Azərbaycan Xarici İşlər Nazirliyi müsəlman dünyasının hiddətinə əsaslanaraq İsveçdə Quranın yandırılmasını pisləyir

Bakı/21.07.23/Turan: Azərbaycan Xarici İşlər Nazirliyi, nəhayət, İsveçdə Quranın yandırılması aktına reaksiya verib. "Biz İsveçdə Quranın yandırılması ilə bağlı çirkin hərəkəti qətiyyətlə qınayırıq. Hakimiyyəti cinayətkarlara qarşı bütün lazımi tədbirləri görməyə və nifrət zəminində bu cür cinayətlərin təkrarlanmasının qarşısını almağa çağırırıq", - Azərbaycan Xarici İşlər Nazirliyinin rəsmi Twitter hesabında deyilir.

İyunun 28-də İsveçin paytaxtı Stokholmun mərkəzində, məscidin yaxınlığında iraqlı miqrant, 37 yaşlı Salvan Momika əvvəlcə Quranın səhifələrini cırıb, sonra müqəddəs kitabı yandırıb.

İyulun 20-də isə Momika və onun tərəfdaşları öncədən bəyan etdikləri kimi, Quranı İraqın  Stokholmdakı səfirliyinin qarşısında yandırmaq üçün ikinci aksiyanı keçiriblər. Bundan ötrü İsveç polisindən icazə alıblar.

Aksiya zamanı kitabı təpikləyiblər və qismən məhv ediblər. Onların sözlərinə görə, bu, Quran olub. Bir saat sonra kitabı yandırmayaraq ərazini tərk ediblər.

Reuters bildirib ki, kitabıb yandırılması müsəlman dünyasında hiddətə səbəb olub. İsveç təhlükəsizlik xidmətləri bildiriblər ki, bu cür hərəkətlər ölkəni daha təhlükəsiz hala gətirir.

Bundan öncə bu il polis təhlükəsizlik mülahizələrinə əsalanaraq etiraz aksiyalarının keçirilməsi barədə bir neçə müraciəti rədd edib. Həmin aksiyalara Quranın yandırılması da daxil olub.   Ancaq məhkəmələr bu qərarları ləğv ediblər və bildiriblər ki, bu cür hərəkətlər söz azadlığı haqqında İsveç qanunları ilə qorunur.

Söz azadlığı haqqında  qanunlar konstitusiya ilə qorunur və asanlıqla dəyişdirilə bilməz. Ancaq hökumət bildirib ki, qanunvericilik dəyişikliklərini nəzərdən keçirir ki, bu,  İsveçin təhlükəsizliyinə təhdid olduğu halda yandırmaların qarşısını almağa imkan verəcək. - 06D-