Azərbaycan XİN: Bundestaqın qətnaməsi qərəzlidir

Azərbaycan XİN Bundestaqın ötən gün qəbul etdiyi “Azərbaycanda insan hüquqlarının müdafiəsinə dair tələblər” adlı qətnaməyə reaksiya verib.

Qətnamə Xristian-Demokratik və Xristian-Sosial İttifaqı və Sosial Demokrat Partiyasının təşəbbüsü ilə qəbul edilib. Sənəddə insan hüquqlarının pozulmasına görə Bakı tənqid olunur. 

Azərbaycan XİN bu tənqidi qərəzli və əsassız hesab edib, qətnamənin özünü isə ikitərəfli münasibətlərə zərbə kimi qiymətləndirib.

“Azərbaycanda heç kim jurnalist və ya siyasi fəaliyyətinə görə həbs edilmir. Bu qətnamədəki ittihamlar tamamilə əsassızdır”, - XİN mətbuat xidmətinin şərhində deyilir.

Bundestaqın qətnaməsindəki tənqid Azərbaycanın nüfuzuna xələl gətirmək istəyən dövlətlərin və müəyyən qüvvələrin qərəzli formada təqdim etdikləri yalan məlumatdan irəli gəlir, XİN bildirib.

Xarici siyasət idarəsi həmçinin qətnəmədə Azərbaycan torpaqlarının işğalından  və qaçqınlardan danışılsa da onların müdafiəsinə çağırışın olmamasından, buna görə erməni tərəfə öz məsuliyyətinin xatırladılmamasından narazı qalıb.–06D-