Azərbaycan XİN: Ermənistan rəhbərliyi qəsdən cəbhədə vəziyyəti ağırlaşdırır
Serj Sarqsyanın Dağlıq Qarabağa səfəri təxribat xarakteri daşıyır və yalnız gərginliyin kəskinləşməsinə xidmət edir. Bu barədə Azərbaycan XİN-in rəsmi nümayəndəsi Hikmət Hacıyev bildirib.
“Ermənistan rəhbərliyinin Azərbaycanın işğal edilmiş ərazilərinə getməsi və orada hərbi müşavirə keçirməsi onsuz da ağır olan vəziyyətin daha da kəskinləşməsinə xidmət edən daha bir təxribat addımıdır”, - H.Hacıyevin şərhində deyilir.
Ermənistan rəhbərliyi bu cür addımlarla bir daha nümayiş etdirir ki, beynəlxalq hüquq və norma prinsiplərini, BMT Nizamnaməsini pozaraq Azərbaycan torpaqlarının anneksiyası siyasətini həyata keçirir.
Bu, bir daha göstərir ki, aprelin 2-dən qoşunların təmas xəttində vəziyyətin eskalasiyasının arxasında məhz rəsmi Yerevan durur.
Münaqişənin nizamlanması ilə bağlı hərtərəfli siyasi proseslərə başlamaq barədə beynəlxalq birliyin təkidli çağırışlarına baxmayaraq, Ermənistan hakimiyyəti təcavüzkar siyasət yürütməkdə davam edərək öz qoşunlarını Azərbaycanın işğal edilmiş ərazilərindən çıxarmır, atəşkəs rejimini pozur və vəziyyətin kəskinləşməsinə yönələn addımlar atır.
Bu, regionda sülhə və sabitliyə təhlükə törədir.
Cəbhədə vəziyyətin kəskinləşməsinə görə məsuliyyət qonşu ölkənin torpaqlarını işğal etmiş Ermənistanın üzərinə düşür.06D--
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz