Fransanın Burq-Le-Valans şəhərinin meri Marlen Muryenin işğal altında olan Qarabağa səfəri və onun şəhərinin Azərbaycanın işğal edilmiş Şuşa şəhəri ilə qardaşlaşması haqqında bəyannamə imzalaması hüquqa və Parisin Qarabağ nizamlanmasında vasitəçilik missiyasına ziddir. Bu barədə Azərbaycan XİN-in mətbuat xidmətinin Muryenin Dağlıq Qarabağa səfəri ilə bağlı şərhində deyilir.
Rəsmi Bakı Fransa prezidentinin təşəbbüsü ilə Azərbaycan və Ermənistan prezidentlərinin Paris görüşü ərəfəsində bu əməlləri erməni lobbisi tərəfindən təhrik edilmiş təxribat kimi qiymətləndirir.
Qondarma Dağlıq Qarabağ rejimi ilə əlaqələri ilə separatçılığı, etnik təmizləmələri və bəşəriyyətə qarşı cinayətləri təşviq edən Fransa meri seçiciləri qarşısında məsuliyyətini dərk etməlidir.
Azərbaycan XİN-in mətbuat xidmətinin məlumatından Muryenin adının Azərbaycana səfəri qadağan edilmiş şəxslərin qara siyahısına daxil edilib-edilmədiyi aydın deyil. Bu siyahıya Bakının razılığı olmadan Dağlıq Qarabağa səfər edənlər daxil edilir. -06D-
Siyasət
-
Sentyabrın 18-də Azərbaycanın xarici işlər naziri Ceyhun Bayramovla Azərbaycanda səfərdə olan ABŞ dövlət katibinin Avropa və Avrasiya məsələləri üzrə köməkçisinin müavini Coşua Hakın görüşü olub.
-
18 beynəlxalq insan hüquqları təşkilatı Avropa Şurasının yeni baş katibi Alen Berseyə məktub ünvanlayaraq Azərbaycanda insan hüquqlarının vəziyyəti, jurnalist və fəalların kütləvi həbsinə diqqət çəkiblər.
-
Bu gün şeyxülislam Allahşükür Paşazadə Moskvaya gedir. O, sentyabrın 21-də keçiriləcək “Sülh yolu: dialoq harmoniyalı birgəyaşayışın əsası kimi” mövzusunda XX Beynəlxalq Müsəlman Forumunda iştirak edəcək.
-
İqtisadçı, İstanbul Universitetinin doktorantı Fazil Qasımov 97 gündür ki, Penitensiar Xidmətin müalicə müəssisəsində aclıq edir. Sentyabrın 17-də Beynəlxalq Qırmızı Xaç Komitəsinin Bakı nümayəndəliyinin əməkdaşları ona baş çəkiblər.
Rəy yaz