Azərbaycan XİN İsrail hərbiçilərinin Azərbaycandan çıxarılması haqqında məlumatlarla bağlı şərh vermir

Azərbaycan XİN İranın zərbə endirməsi təhlükəsi ilə əlaqədar İsrail hərbiçilərinin Azərbaycandan çıxarılması haqqında İsrailin KAN TV telekanalının yaydığı məlumatlarla bağlı şərh verməyib.

Bu məlumatı bu gün Rusiyanın TASS Agentliyi KAN TV-yə istinadla dərc edib.

İran tərəfindən zərbə endirilməsi təhlükəsi fonunda İsrail ordusu öz hərbiçilərinin Azərbaycanda və Gürcüstanda qalmasını qadağan edib, deyə KAN dövlət teleradio şirkəti bildirib. 

"Hər hansı səbəblərlə bu iki Cənubi Qafqaz ölkəsində olan İsrail hərbiçiləri dərhal İsrailə qayıtmalıdırlar", deyə məlumatda bildirilir.

Qeyd edək ki, İran çoxdan Azərbaycanda, İranla sərhəddə İsrail kəşfiyyat obyektlərinin yaradıldığında israr edir. Rəsmi Bakı dəfələrlə bunu təkzib edib, öz ərazisindən İrana qarşı hər hansı düşmənçilik hərəkətlərinə yol verməyəcəyini bildirir.

Öz növbəsində, Tehran indiyədək Azərbaycanda İsrail obyektlərinin mövcudluğunun hər hansı dəlilini təqdim etməyib.

İranın Kürdistandakı və Azərbaycandakı İsrail obyektlərinə zərbə endirməsi mümkünlüyü haqqında məlumat şənbə günü Britaniyanın The Telegraph qəzetindəki nəşrdən sonra yayılıb.

Bu nəşrdə prezident Pezeşkianın köməkçilərindən birinin Kürdistan və Azərbaycanın liderlərinə əvvəlcədən xəbərdarlıq edərək, İsrailin bu ölkələrdəki obyektlərinə şərti zərbə endirmək İsrailin özünə qarşı böyük müharibəyə başlamaqdan daha yaxşı olduğu haqqında sözlərindən sitat gətirilib.