Azərbaycan XİN rəsmi Londonu daxili işlərə qarışmaqda ittiham edib. Belə ki, Bakı Böyük Britaniya xarici siyasət idarəsinin vətəndaş fəalları Anar Məmmədli, Bəşir Süleymanlı və Elnur Məmmədovun barəsində hökmü pisləyən 28 may tarixli bəyanatını qiymətləndirib.
“Bu müstəqil məhkəmə instansiyalarının işinə müdaxilə və təzyiqdir və tam şəkildə qəbuledilməz hesab olunur”, - Azərbaycan XİN-in bəyanatında vurğulanır.
“Həmin şəxslər vergidən yayınma və qanunsuz sahibkarlıq fəaliyyəti kimi qanun pozuntularına görə mühakimə olunublar və bu şəxslərin cinayət əməlləri məhkəmə qaydasında sübuta yetirilib. Məhkəmənin qərarının bu şəxslərin siyasi fəaliyyəti ilə heç bir əlaqəsi yoxdur və ümumiyyətlə, Azərbaycanda heç kim siyasi baxışlarına və fəaliyyətinə görə təqib və mühakimə olunmur”, - bəyanatda bildirilib.
Bununla əlaqədar Azərbaycan XİN Böyük Britaniyanın Xarici işlər və Birlik Məsələləri üzrə Ofisini Azərbaycanın daxili işlərinə yersiz müdaxilələrdən çəkinməyə və öz ölkəsinin insan hüquqları məsələlərinə diqqət yetirməyə dəvət edir. -16D-
Siyasət
-
Mark Libbi ABŞ-ın Azərbaycandakı səfiri kimi diplomatik missiyasını başa vurdu. Bu barədə səfirliyin X sosial hesabında dərc edilmiş məlumatda deyilir.
-
Ötən gün Bakı Məhkəmə Kompleksində Qarabağ separatçılarının keçmiş liderlərinin işi üzrə hazırlıq iclası başlayıb.
-
Rusiyadan İrana qaz kəməri Azərbaycandan keçəcək, onun marşrutu razılaşdırılıb. TASS xəbər verir ki, bu barədə jurnalistlərə energetika naziri Sergey Tsivilev bildirib.
-
Toplum TV-nin işi üzrə polis nəzarətində olan jurnalist Fərid İsmayılov yanvarın 17-də saxlanılıb və Xətai Rayon Məhkəməsinə aparılıb. Bu barədə jurnalistin həmkarları məlumat veriblər.
Rəy yaz