Azərbaycan XİN vurulmuş helikopterlərin tarixi haqqında

Bu gün Qarabağ səmalarında içərisində Azərbaycanın görkəmli dövlət xadimlərinin və sülhməramlı missiya ilə bölgəyə gəlmiş Rusiya və Qazaxıstan nümayəndələrinin olduğu helikopterin məhv edilməsinin 23 ili tamam olur. Ümumilikdə 22 nəfər həlak olub.

Mİ-8 mülki helikopteri Dağlıq Qarabağın Martuni rayonunun ermənilərin yaşadığı Qarakənd kəndi yaxınlığında vurulub. Əməliyyat-istintaq tədbirləri nəticəsində müəyyən edilib ki, atəşi yerdən erməni döyüşçüləri açıb.

“Sonrakı illərdə Ermənistan tərəfi hava və yer nəqliyyatında, o cümlədən metroda 30-dan çox terror hücumu təşkil edib”, deyə Azərbaycan XİN-in mətbuat xidmətinin rəhbəri səlahiyyətlərini icra edən Hikmət Hacıyevin faciənin 23-cü ildönümü ilə bağlı şərhində bildirilir.

20 noyabr 1991-ci ildə helikopterin məhv edilməsi beynəlxalq sühlyaratma missiyasını pozub və Qarabağda gərginliyin artmasına səbəb olub.

Xatırladaq ki, Mİ-8 helikopterində Azərbaycanın dövlət katibi Tofiq İsmayılov, baş prokuror İsmət Qaibov, dövlət müşaviri Məhəmməd Əsədov, prezidentin mətbuat katibi Osman Mirzəyev, baş nazirin müavini Zülfü Hacıyev, meliorasiya nazirinin birinci müavini Qurban Namazəliyev, deputatlar Vəli Məmmədov və Vaqif Cəfərov, DQMV prokuroru Valeri Plavski, jurnalistlər Əli Mustafayev, Fəxrəddin Şahbazov və Arif Hüseynzadə və başqaları var idi.

Daha bir Mİ-8 mülki helikopteri 1992-ci ilin yanvar ayında Şuşa şəhəri yaxınlığında ermənilər tərəfindən soyuqqanlılıqla vurulub. Həmin vaxt 50-yə yaxın insan həlak olub. -06D-