Azərbaycanda Niderland həftəsi

Senator Rene Van der Lindenin rəhbərliyi ilə Niderlandın ticarət missiyası aprelin 22-də Bakıya gəlir. Səfər aprelin 22-26-da Azərbaycanda keçiriləcək Niderland həftəsilə əlaqədardır və bu ölkənin milli bayramına – aprelin 20-da qeyd olunan Kral Gününə həsr olunub.

Ticarət missiyasına poladtökmə,alüminium, tibb, həmçinin su təsərrüfatı, informasiya-kommunikasiya texnologiyaları, təhsil, logistika və nəqliyyat sahələrini təmsil edən 20 biznesmen daxildir.

Bu barədə Niderlandın Azərbaycandakı səfiri Robert Qabriels bugünkü mətbuat konfransında bildirib.

ADA  tərəfindən dəvət edilən nümayəndə heyəti sənaye və iqtisadiyyat nazirləri və Azərbaycan şirkətlərinin nümayəndələri ilə görüşlər keçirəcəklər.

2013-cü ilə olan məlumatına Azərbaycanda Niderland investisiyalarının həcmi 180 mln. dollara çatıb. Səfir qeyd edib ki, bu vəsait qeyri-neft və qeyri-maliyyə sektorlarına qoyulub.

2013-cü ildə iki ölkə arasında əmtəə dövriyyəsi 160 mln. dollara yaxın təşkil edib və demək olar ki, ixrac-idxalın həcmi bərabərdir.

Səfir həmçinin kənd təsərrüfatı sahəsində əməkdaşlıq üçün böyük potensialın olduğununları   qeyd edib.

Niderland həftəsi çərçivəsində mədəniyyət, incəsənət, təhsil sahəsində tədbirlər keçiriləcək. Belə ki, məktəblilər arasında stolüstü tennis, ot üzərində xokkey, rəsm müsabiqəsi təşkil olunacaq.

ADA-da təntənəli gecə keçiriləcək. Aprelin 26-da Caz Mərkəzində ifaçı Əminə Fiqarovanın iştirakı ilə konsert keçiriləcək.—06C-