Dekabrın 9-da Türkiyənin dünyabülteni.net saytı Azərbaycan Vergilər Nazirliyini rüşvətdə ittiham edən xəbər yayıb.
Xəbərdə bildirilir ki, Bakıda və diğər bölgələrdə sərmayə yatıran iş adamları yeni “vergi” basqısı ilə üz-üzə qalırlar. İş adamlarına istinadən qeyd edilir ki, vergilər naziri Fazil Məmmədovun “təmsilçiləri” illik rüşvət yığmaq kampanyasına başlayıblar.
Vergi məmurları iş adamlarından 10 ilə 30 min manat (12-38 min dollar) rüşvət tələb edirlər. Bundan əlavə, qanuni ödəmələri 15-20% artırmaq tələbi irəli sürürlər. İş adamları hər il “adət” halına salınan rüşvət toplanması üsullarını mafya dəstələrinin təhdidlərinə bənzədiblər. Rüşvət verməyə etiraz edənlərin barəsində araşdırma başlayacağı ilə bağlı şantajlar işə düşür. İş adamlarından rüşvətin nağd olaraq toplanması sistemi də dəyişdirilib. Hazırda məmurlar bank hesabları göstərərək pulların həmin hesablara köçürülməsini tələb edirlər. -05D-
Siyasət
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
Rəy yaz