Açiq mənbələrdən foto.
Bakı/05.08.22/Turan: Azərbaycanın Londondakı səfirliyinə hücumla əlaqədar səkkiz nəfər saxlanılıb. Britaniya KİV-lərinin London polisinə istinadla yaydığı məlumata görə, hadisə zamanı xəsarət alan olmayıb, faktla bağlı araşdırma davam etdirilir.
Asayiş keşikçiləri bir qrup şəxsin səfirliyə daxil olduğu haqqında məlumat aldıqdan sonra yerli vaxtla saat 16:30 radələrində hadisə yerinə gəliblər.
Saxlanılan şəxslər səfirlik binasına qanunsuz daxil olmaqda və binaya ziyan vurmaqda ittiham olunurlar.
Azərbaycanın diplomatik missiyasına hücum edənlər "The Mahdi Servants Union" radikal dini qrupunun üzvləridir. Bu, şiə müsəlmanların Londonda yerləşən təşkilatıdır.
Onlar nəyə etiraz etdiklərini və bu aksiya ilə nə əldə etmək istədiklərini açıqlamayıblar. 02D
Siyasət
-
Seçkilərin Monitorinqi və Demokratiyanın Tədrisi Mərkəzinin (SMDT) rəhbəri Anar Məmmədli qanunsuz olaraq saxlanıldığı Bakı İstintaq Təcridxanasından Beynəlxalq İnsan Hüquqları Günü ərəfəsində insan hüquqları müdafiəçilərinin, müstəqil media nümayəndələrinin və siyasi fəalların həbs edilməsinə münasibət bildirib:
-
Avropa Parlamentinin Demokratlar Partiyasından, Yaşıllar və M5S parlament qrupundan olan on səkkiz deputatı azərbaycanlı iqtisadçı alim Qubad İbadoğlunun azad edilməsi üçün tədbirlər görmək və onun 16-19 dekabr tarixlərində Saxarov adına mükafatın təqdimetmə mərasimində iştirak etmək üçün Strasburqa səfərini təmin etmək xahişi ilə İtaliyanın xarici işlər naziri Antonio Tayaniyə müraciət edib.
-
Bazar ertəsi ABŞ bildirib ki, 13 illik vətəndaş müharibəsindən və bu ailənin 50 il hakimiyyətdə qalmasından sonra devrilmiş diktator Bəşər Əsəd Moskvaya qaçdığı üçün Rusiya Suriya xalqına "cavab verməlidir".
-
Bazar ertəsi Amerika Birləşmiş Ştatları qanunsuz olaraq həbs olunmuş azərbaycanlı jurnalist Sevinc Vaqifqızını dünyada korruspiyaya qarşı mübarizə üzrə 10 çempiondan biri kimi mükafata layiq görüb. Dövlət katibi Entoni Blinkenin sözlərinə görə, onlar "öz vətəndaşları üçün daha ədalətli və şəffaf dünya yaratmağa imkan verən islahatlara və tədqiqatlara rəhbərlik ediblər və ya onların tərəfdarı kimi çıxış ediblər". Xəbəri Turan-ın Vaşinqtondakı müxbiri verib.
Rəy yaz