Azərbaycanın Müdafiə Nazirliyi aprelin 5-də axşam Azərbaycan Ordusunun mövqelərinin Ermənistan SQ tərəfindən atəşə tutulduğu barədə məlumat yayıb.

Nazirliyin press-relizində deyilir ki, aprelin 5-i saat 21:55-dən 23:20-dək Ermənistan silahlı qüvvələrinin bölmələri Tovuzqala rayonunun Müsürskənd, Basarkeçər rayonunun Aşağı Şorca, Yuxarı Şorca, Günəşli və Gorus rayonunun Ərəvus yaşayış məntəqələri istiqamətlərində yerləşən mövqelərindən Azərbaycan Ordusunun Tovuz rayonunun Əlibəyli, Daşkəsən rayonunun Xoşbulaq, Kəlbəcər rayonunun Yellicə, Zəylik və Laçın rayonunun Çağazur yaşayış məntəqələri istiqamətlərində yerləşən mövqelərini müxtəlif çaplı atıcı silahlardan fasilələrlə atəşə tutub

Ötən sutka ərzində Azərbaycan Ordusunun müxtəlif istiqamətlərdə yerləşən bölmələri ümumilikdə 30 dəfə atəşə tutulub, deyə Müdafiə Nazirliyi qeyd edir.

Ermənistanın Müdafiə Nazirliyinin iddiasına görə isə, qeyd edilən istiqamətlərdə Azərbaycan tərəfindən atəş açılıb.

Eyni zamanda, "Azərbaycan SQ-nin texnikasının İşhanasar (sərhədin Qubadlı hissəsi) istiqamətində fəal hərəkətinin" müşahidə olunduğu qeyd edilir.