Kanal-11 rəhbərinin məhkəməsi başlayıb

Aprelin 5-də Bakı Ağır Cinayətlər Məhkəməsində Azad Məcidovun sədrliyi ilə hədə-qorxu ilə pul tələb etməkdə təqsirləndirilən Kanal-11 YouTube layihəsinin rəhbəri Teymur Kərimovun cinayət işi üzrə məhkəmənin hazırlıq iclası başlayıb.

İclasın əvvəlində Kərimov məhkəmə zalında onun  əllərindən qandalların  çıxarılmamasına etiraz edib.

Hakim isə bunun “konvoyun qərarı” olduğunu bildirib.. Konvoyun nümayəndələri Kərimovun əli qandallı saxlanmasını onun “intihar meylliliyi” ilə izah ediblər.

Buna cavab olaraq Kərimov məhkəmənin tərkibinə etiraz edib.

Lakin etiraz baxılmamış saxlanılıb.

Daha sonra Kərimovun müdafiəsi bir sıra vəsatətlərlə çıxış edib.

Belə ki, vəkil Nemət Kərimli prosesin foto və video çəkilişlə aparılmasını xahiş edib.

Bundan başqa, Kərimovun qəfəsdən çıxarılması və vəkillərin yanında oturmasına icazə verilməsi barədə vəsatət qaldırılıb. Nəhayət, üçüncü vəsatət Kərimovun barəsində seçilmiş həbs-qətimkan tədbirinin ev dustaqlığı ilə dəyişdirilməsi ilə bağlı olub.

Kərimovun bildirib ki, ona qarşı Azərbaycan Konstitusiyasının hamının qanun qarşısında bərabərliyi ilə bağlı 25-ci maddəsi pozulub. Jurnalist deyib: “Əgər bu işdə əli olan başqa bir şəxs İstek Totiyeva azadlıqdadırsa, o niyə həbsdə olmalıdır?” O, bunu məhkəmənin özünə qarşı qərəzli münasibəti kimi qiymətləndirib.

İş materiallarına görə, Kərimov və Totiyeva zərərçəkmişlər haqqında videomaterialların kanaldan çıxarılması üçün onlardan pul tələb ediblər.

Kərimov ittihamı qəti şəkildə rədd edir və bunu jurnalist fəaliyyəti ilə əlaqələndirir.

Xatırladaq ki, bu Kanal-11-in rəhbəri Teymur Kərimov ötən ilin dekabrında hədə-qorxu ilə pul tələb etməkdə ittiham edilərək həbs edilib.

Bu media resursu siyasi və sosial xarakterli etirazları işıqlandırıb. Hazırda onun əməkdaşları digər media platformalarında işlərini davam etdirirlər.