Azərbaycanın neft, telekommunikasiya və maliyyə sektorlarında bir sıra müəssisələr  özəlləşdiriləcək

2023-cü ildə Azərbaycan prezidenti dövlət müəssisələrinin özəlləşdirilməsində özəl sektorun investisiyalarının cəlb edilməsi haqqında fərman imzalayıb. Fərmana əsasən, səkkiz dövlət müəssisəsi üzrə təkliflər hazırlanır. Bu barədə yanvarın 30-da mətbuat konfransında Azərbaycan İqtisadiyyat Nazirliyi Əmlak Məsələləri Dövlət Xidmətinin rəhbəri Mətin Eynullayev bildirib.

O, özəl və xarici kapitalın iştirakı ilə özəlləşdiriləcək müəssisələr arasında aşağıdakıların adlarını çəkib: "Azərkimya" İB,  "Metanol", "Etilen, propilen, karbamid" zavodları. Bunlar  hazırda SOCAR Dövlət Neft Şirkətinə məxsusdur.

Özəlləşdirmə həmçinin qızıl hasilatı üzrə dövlət müəssisəsi - "Azəriqold", "Baktelekom" və "Aztelekom" telekommunikasiya, eləcə də Azərbaycan Beynəlxalq Bankına şamil ediləcək.

Eynullayevin sözlərinə görə, söhbət bu müəssisələrdə dövlətin iştirak payının azaldılmasından gedir. Həmin müəssisələrin səhmlərinin bir hissəsi satılacaq və onların alınmasında xarici və yerli şirkətlər iştirak edə biləcəklər. Hazırda təkliflərin hazırlanması üzərində iş aparılır və bu iş doqquz ay ərzində başa çatdırılmalıdır.

Mətin Eynullayev qeyd edib ki, söhbət birbaşa özəlləşdirmədən getmir. Öncə səhmləşdirmə olacaq, sonra səhm paketlərinin bir hissəsi satılacaq.