Azərbaycanın Tehrandakı səfiri İran XİN-də görüş keçirib

Azərbaycanın İrandakı səfirliyi fəaliyyətini bərpa etdikdən sonra diplomatik missiyanın rəhbəri Əli Əlizadə İran Xarici İşlər Nazirliyinin (XİN) Avrasiya İdarəsinin rəisi Moctəba Dəmirçilu və Konsulluq İdarəsinin rəisi Əlirza Mahmudi ilə görüş keçirib.

Azərbaycan səfirliyinin məlumatında deyilir ki, görüşdə ikitərəfli münasibətlərə və qarşılıqlı maraq doğuran məsələlərə dair müzakirələr aparılıb. 

* 27 yanvar 2023-cü il tarixində Azərbaycanın İrandakı səfirliyinə qarşı terror aktı törədilib. Terror aktı nəticəsində Səfirliyin bir diplomatı şəhid olub, 2 diplomatı isə yaralanıb. Nəticədə Azərbaycanın İrandakı səfirliyi fəaliyyətini dayandırmışdı.

Bu ilin febral ayında İran KİV-ləri Azərbaycan səfirliyinə hücum edən şəxsin məhkəmə tərəfindən ölüm cəzasına məhkum edildiyi haqqında məlumat yayıb.

İyulun 15-də səfirlik fəaliyyətini bərpa edib.