Prezident İlham Əliyev bugünki sərəncamı ilə Eynulla Mədətlinin Azərbaycanın Ukraynadakı səfiri və GUAM yanında daimi nümayəndəsi vəzifəsindən geri çağırıb.
Mədətli 2010-cu ildə Ukraynada səfir təyin edilib. Səfirin geri çağırılmasının səbəbləri haqqında heç nə deyilmir. Lakin bu, saytlardan birində XİN bünyəsində az qala antihökumət sövdələşməsi olduğunu iddia edən növbəti “sensasiyalı” materialın yayılması ilə eyni vaxta təsadüf edib.
Bunun üçün İslam Əməkdaşlığı Təşkilatının Avropa İttifaqındakı nümayəndəsi diplomat Arif Məmmədovun facebook-dakı statusu “əsas” olub. O, mayın 19-da Bakıda çoxmərtəbəli yaşayış binasında yanğın zamanı insanların həlak olmasında kifayət qədər emosional şəkildə məmurları ittiham edib.
Bu statusu “layk” edən diplomatlar da “üsyançı” hesab olunub. Onlar arasında Azərbaycanın Brüsseldəki diplomatik missiyasının əməkdaşı və Kiyevdəki səfirin oğlu Anar Mədətli də var idi.
Lakin ola bilər ki, facebook-dakı nəşrlə səfirin geri çağırılması arasında heç bir əlaqə yoxdur. İstənilən halda, iyunun 3-də gün ərzində XİN-in mətbuat xidmətindən bu məsələ ilə bağlı şərh almaq mümkün olmayıb. -06D-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz