Açiq mənbələrdən foto.
Bakı/26.07.21/Turan: İyulun 26-da prezident İlham Əliyev Azərbaycanın xaricdəki bir sıra diplomatik missiyalarının rəhbərlərinin dəyişdirilməsi haqda sərəncamlar imzalayıb.
Belə ki, Fuad İsgəndərov Azərbaycanın Belçikada, Lüksemburqda səfiri və Avropa İttifaqı yanında nümayəndəsi vəzifəsindən geri çağırılıb.
O, Azərbaycanın İsveçrədə səfiri təyin edilib.
Əvvəllər Azərbaycanın Birləşmiş Millətlər Təşkilatının Cenevrə ofisi və bir sıra digər beynəlxalq təşkilatlar yanında nümayəndəliyinin rəhbəri vəzifəsində çalışmış Vaqif Sadıqov Belçikada səfir təyin edilib.
Bu günlərdə Azərbaycanın Avstriyada diplomatik missiyasının rəhbəri vəzifəsindən geri çağırılan Qalib İsrafilov Azərbaycanın Birləşmiş Millətlər Təşkilatının Cenevrə ofisi və bir sıra digər beynəlxalq təşkilatlar yanında nümayəndəliyinin rəhbəri vəzifəsinə təyin edilib. –06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz