Azərbaycanla təhdid dili ilə danışmaq qəbuledilməzdir - Bakıdan Vaşinqtona ismarıc

Bakı/02.11.23/Turan: Onilliklər ərzində vasitəçi olan Birləşmiş Ştatlar heç vaxt Azərbaycanın suverenliyini və ərazi bütövlüyünü indi Ermənistana münasibətdə olduğu kimi dəstəkləməyib.

Bu barədə Xarici İşlər Nazirliyinin mətbuat katibi Ayxan Hacızadənin ABŞ Dövlət Departamentinin mətbuatda dərc olunan “Ermənistanın suverenliyi və ərazi bütövlüyünə güclü dəstəyini təsdiqləyən” fikrini şərh edərkən deyib.

“Biz vurğuladıq ki, bu suverenliyin və ərazi bütövlüyünün istənilən pozulması ciddi nəticələrə səbəb olacaq. Biz mütəmadi olaraq güc tətbiqinə qarşı gözləntilərimizi, məsələn, güc tətbiqinə qarşı xəbərdarlıqlarımızı vurğulayırıq və vəziyyəti daim izləyirik”, Dövlət Departamentinin "Amerikanın Səsi"nin erməni xidmətinin sorğusuna cavabında deyilir.

“ABŞ beynəlxalq öhdəliklərinə uyğun olaraq, o cümlədən BMT Təhlükəsizlik Şurasının 4 qətnaməsi çərçivəsində heç vaxt Azərbaycan ərazilərinin işğaldan azad edilməsinə və Ermənistan silahlı qüvvələrinin çıxarılmasına çağırış etməyib”, - Hacızadə deyib.

O əlavə edib ki, Azərbaycanla təhdid dili ilə danışmaq qəbuledilməzdir.

“Azərbaycana qarşı hər hansı qeyri-dost hərəkət müsbət nəticə verməyəcək və bu cür hərəkətlərə adekvat cavab veriləcək”, deyə o bildirib. 06В