İyunun 29-da Minskdə Aİ-nin “Şərq Tərəfdaşlığı” proqramının iştirakçısı olan ölkələrin XİN rəhbərlərinin qeyri-rəsmi dialoqu keçirilib.
Görüşdə Azərbaycanı xarici işlər nazirinin müavini Mahmud Məmmədquliyev təmsil edib.
Azərbaycan XİN-in mətbuat xidmətinin məlumatına görə, görüş iştirakçıları Riqa sammitindən sonra əməkdaşlığın perspektivlərini müzakirə ediblər.
Məmmədquliyev Bakının Aİ ilə əməkdaşlıq etmək istədiyi məsələləri sadalayıb: vətəndaşların yerdəyişməsi, energetika və nəqliyyat kommunikasiyalarının yaradılması və ticarət əlaqələri.
O, həmçinin Aİ-nin Qarabağ münaqişəsinin BMT TŞ-nin və digər beynəlxalq təşkilatların qətnamələri əsasında Azərbaycanın ərazi bütövlüyü nəzərə alınmaqla tənzimlənməsinə dəstək göstərməsi zərurətini qeyd edib.
Məmmədquliyevin sözlərinə görə, Azərbaycan Aİ ilə bərabərhüquqlu əsaslarla əməkdaşlığa hazırdır.
“Şərq Tərəfdaşlığı” XİN rəhbərlərinin qeyri-formal dialoqu növbəli şəkildə bu dövlətlərin paytaxtlarında keçirilir. Bundan əvvəlki görüş 2014-cü il sentyabrın 9-da Bakıda keçirilib. -06D-
Siyasət
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
-
ABŞ bərpa olunan enerji mənbələrinə keçiddə Azərbaycan da daxil olmaqla, bütün ölkələrə kömək etməyə hazırdır. Bu barədə COP29 çərçivəsində keçirilən brifinqdə ABŞ-ın İqlim məsələləri üzrə milli müşaviri Ali Zaidi neft və qazdan təmiz enerji növlərinə keçiddə ABŞ-ın Azərbaycana necə kömək edə biləcəyi haqqında Turan-ın sualına cavabda bildirib.
Rəy yaz