Bakı Amerika Sülh Korpusunun axırına çıxmaq istəyir
Azərbaycan XİN iyunun 20-də Amerika Sülh Korpusuna diplomatik nota göndərərək, hökumətin ABŞ ilə bu könüllülər proqramının Azərbaycanda həyata keçirilməsi haqqında qarşılıqlı anlaşma memorandumunu ləğv etmək niyyəti haqqında məlumat verib. Bu barədə Turan-ın Vaşinqton müxbirinə Amerika paytaxtında məlumatlı mənbə bildirib.
Bu, Azərbaycan hökumətinin Sülh Korpusunun ölkədə gənclərin ingilis dilində təhsilinin inkişafına yönəlmiş iki böyük proqramı dayandırmasından bir neçə ay sonra baş verib.
Əməkdaşlıq Memorandumu 2006-cı ilin may ayında İqtisadi İnkişaf Nazirliyi və Sülh Korpusu arasında imzalanıb və ABŞ könüllülərinin ölkədə iqtisadi inkişaf, xidmətlər sahəsi üzrə müəssisələrə köməkdə iştirakını nəzərdə tutur.
Proqramın məqsədi biznes imkanlar, işgüzar tərəfdarlar və təşkilatlar potensialının artırılmasında köməklik göstərmək idi. Proqramlar biznes bacarıqlarının aşılanması, texniki biliklərin mənimsənilməsi və azad bazar fəaliyyətinin araşdırılması üzrə treninqlər və konsultasiya xidmətləri nəzərdə tuturdu.
2003-cü ildən Sülh Korpusunun könüllüləri həmçinin Azərbaycanın bütün regionlarında icmalar səviyyəsində, məktəblərdə və universitetlərdə ingilis dilinin tədrisi üzrə işdə fəal iştirak ediblər.
2005-ci ildə gənclərin inkişafı proqramı başlayıb. Bu ilin əvvəlində proqramların dayandırılması haqqında bildiriş alınıb və hazırda hökumətlə könüllülərin öz işini yekunlaşdıracağı tarixi müəyyən etmək üçün məsləhətləşmələr aparılır.
Hakimiyyət Sülh Korpusunun nümayəndələri ilə şifahi danışıqlarda deyirlər ki, 2 ildən 5 ilə qədər “operativ fasilə” götürmək istərdilər.
Eyni zamanda, Təhsil Nazirliyinin məmurları iddia edirdilər ki, avqust-sentyabr aylarında Sülh Korpusunun gələcək taleyini müzakirə etməyə hazırdırlar.
Vaşinqtonda Sülh Korpusu direktorunun yaxın həftələrdə yüksək vəzifəli şəxslərlə bu mövzunu müzakirə etmək üçün Azərbaycana səfər edəcəyini gözləyirlər.
2003-cü ildən etibarən Sülh Korpusunun Azərbaycandakı proqramlarında 500-dən çox könüllü iştirak edib.
Lakin bir müddət əvvəl Azərbaycan hökuməti hər-hansı rəsmi izahat vermədən, könüllüləri qəbul etməkdən imtina etməyə başlayıb. Qeyri-rəsmi söhbətlərdə Bakı nümayəndələri bildiriblər ki, bu imtina “məntiqlidir, belə ki, ölkə artıq yoxsul deyil və belə bir köməyə ehtiyacı yoxdur”.
Könüllülər özləri baş verənlərə görə çox narahatdırlar və tez-tez öz bloqlarında bu barədə yazırlar. Kaliforniyalı könüllü Meril Nosler yazırdı ki, Şəkidə çox yaxşı tələbələrlə işləyib. “Onlar oxumaq istəyirdilər və öz arzularını mənimlə bölüşürdülər. Onlar mənə çox şey öyrədiblər və inanıram ki, onlar öz ölkələrinə fayda gətirəcəklər... Mən 20 ay işlədikdən sonra öz istəyimlə deyil, məcburiyyətdən ölkəni tərk etdim”. -25В-
Siyasət
-
Gürcüstanın Miqrasiya Departamenti azərbaycanlı fəal Avtandil Məmmədova siyasi sığınacaq verməkdən imtina edib və Tbilisi Şəhər Məhkəməsi bu qərarı təsdiqləyib. Bu barədə “Turan”a Məmmədovun özü məlumat verib.
-
İyulun 29-da Bakı Apellyasiya Məhkəməsi hakim Həsən Əhmədovun sədrliyi ilə keçmiş diplomat Emin İbrahimov barəsində həbs qətimkan tədbiri seçilməsi barədə qərarından verdiyi şikayəti təmin etməyib.
-
Baş nazir Əli Əsədovun rəhbərlik etdiyi Azərbaycan nümayəndə heyəti İranın yeni seçilmiş prezidenti Məsud Pezeşkiyanın andiçmə mərasimində iştirak etmək üçün iyulun 30-da Tehrana səfər edəcək.
-
Avropa Şurası Parlament Assambleyasına sentyabrın 1-də Azərbaycan Milli Məclisinə keçiriləcək növbədənkənar seçkiləri müşahidə etmək üçün dəvət göndərilməyib. Bu barədə Turan agentliyinə Xarici İşlər Nazirliyinin rəsmi nümayəndəsi Ayxan Hacızadə məlumat verib.
Azərbaycanda deputat olmaq həvəsi... - Anar Əsədli Çətin sualda
Xəbər lenti
-
- Böyük Şərq,
- 18:34
- 205
-
- Cəmiyyət,
- 16:20
- 304
-
- Cəmiyyət,
- 13:23
- 303
Rəy yaz