![Bakı ATƏT DTİHB-ni həm ittiham edir, həm də seçkilərə dəvət edir](https://turan.az/resized/750/500/resize/media/2015/main/101300132724.jpg)
Bakı ATƏT DTİHB-ni həm ittiham edir, həm də seçkilərə dəvət edir
ATƏT-in Demokratik Təsisatlar və İnsan Hüquqları Bürosu (DTİHB) noyabrın 1-də Azərbaycanda keçiriləcək parlament seçkilərini siyasiləşdirir, halbuki ki, buna səlahiyyəti yoxdur. Bu ittihamla Azərbaycan XİN mətbuat xidmətinin rəhbəri Hikmət Hacıyev çıxış edib.
“İcraçı orqan olan, v səlahiyyəti və mandatı olmayan DTİHB siyasi qərar qəbul edib. Bu, ondan xəbər verir ki, DTİHB rəhbərliyi müəyyən dairələrin təsiri altında texniki məsələni – seçkilərə müşahidəni məqsədyönlü şəkildə siyasiləşdirir”, - o bildirib.
H.Hacıyevin sözlərinə görə, bu, seçkilərdən sonra Azərbaycana qarşı “əsassız ittihamlar”ın irəli sürülməsi məqsədilə edilir.
Lakin ATƏT DTİHB seçkilərin monitorinqində iştirak etməsə seçki prosesi haqqında fikir bildirməyə əsası olmayacaq, - o hesab edir.
Sonda H.Hacıyev bildirib ki, seçkiləri müşahidə etmək üçün ATƏT DTİHB-yə öncə göndərilən dəvət qüvvədə qalır.
Xatırladaq ki, ATƏT DTİHB seçkilərin monitorinqinə 30 uzunmüddətli və 350 qısamüddətli müşahidəçi göndərməyi planlaşdırıb. Lakin Bakı bildirib ki, yalnız 6 uzunmüddətli və 125 qısamüddətli müşahidəçi qəbul edə bilər.
Bundan əlavə, DTİHB imtinanı rəsmi Bakının onun əvvəlki tövsiyələrinə məhəl qoymaması ilə əlaqələndirib.
“Müşahidəçilərin sayının məhdudlaşdırılması missiyanın seçkiləri effektiv müşahidə etməsini mümkünsüz edər”, - DTİHB-nin direktoru Georq Link bildirib.
“Azərbaycan hakimiyyətinin müşahidəçilərin sayının azaldılmasına israr etməsi ölkənin ATƏT çərçivəsində öhdəliklərinə və ATƏT-in seçkilərin monitorinqi üzrə mandatına ziddir”, - o əlavə edib. -02D-
-
- İqtisadiyyat
- 13 Oktyabr 2015 12:06
-
- Bazarların icmalı
- 13 Oktyabr 2015 14:27
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz