Ekologiya və Təbii Sərvətlər Nazirliyi dəniz suyunun duzdan təmizlənməsi üçün gündə 1000 kubmetr su təmizləyən avadanlıq alır.
Satınalmalar üzrə Dövlət Agentliyinin məlumatına görə, «Azərbaycanın yaşıllaşdırılması və landşaft quruluşu» ASC avadanlıq alınması və tikinti işlər üçün iki şirkətlə iki müqavilə imzalayıb. “Star-Techizat” 863,4 min manat məbləğində avadanlıq tədarük edəcək, “İlkin-N” MMC 417,3 min manat məbləğində tikinti-quraşdırma işləri görəcək.
İşin icrası müddəti açıqlanmır.
Xatırladaq ki, 2013-cü ilin sentyabrında Salyanın Xıdırlı kəndində dəniz suyunu duzdan təmizləyən zavod və tinglikdən ibarət kompleks istismara verilib.
Müəssisədə sutkada 1000 kubmetr su təmizənir, bununla tinglikdəki ağaclar və Xıdırlı kəndi yaxınlığındakı ağaclar suvarılır. Zərurət olsa, suyu içmək də olar. --08B—
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz