“Azərbaycan ATƏT-in Minsk Qrupunun fəaliyyətindən narazıdır. Hələlik heç bir hərəkət yoxdur. Bir hərəkət olsaydı biz də sevinərdik”, -
Azərbaycan xarici işlər naziri Elmar Məmmədyarov Türkiyə XİN rəhbəri Əhməd Davudoğlu ilə keçirdiyi birgə mətbuat konfransında deyib.
Onun sözlərinə görə, həmsədrlərin fəaliyyətindən narazı olmaqda Azərbaycan tərəfinin obyektiv əsasları var.
İranın Dağlıq Qarabağ münaqişənin həllində vasitəçi rolunun mümkün olub –olmaması barədə suala E.Məmmədyarov birmənalı cavab verməyib: “
Azərbaycan münaqişənin həlli istiqamətində istənilən ölkədən gələn təklifi alqışlayır”.
“Biz istəyirik ki, münaqişənin həlli Ermənistanın işğal olunmuş ərazilərdən öz qoşunların çıxarması ilə başlasın”, nazir vurğulayıb.
Öz növbəsində Türkiyə xarici işlər naziri Ə.Davudoğlu deyib ki, Minsk Qrupunun üzvü olan dövlətlər Dağlıq Qarabağ münaqişəsinin həllində fəal iştirak etməlidir.
“Minsk Qrupunun uzun illər davam edən səylərinin nəticəsi təəssüf ki, hələ yoxdur”, - o vurğulayıb. Onun sözlərinə görə, Ankara Minsk Qrupunun işinə yardım göstərməyə hazırdır.-16D-
Siyasət
-
Milli Şuranın üzvü Cəmil Hacıyev üzərində "Siyasi məhbuslara azadlıq!" yazılmış plakat qaldırarkən polislər onu saxlayıb. Bu, yanvarın 10-da saat 17:00 radələrində Bakı Ağır Cinayətlər Məhkəməsinin qarşısında baş verib.
-
Bakı Ağır Cinayətlər Məhkəməsində 2023-cü ildə Türkiyədə saxlanılmış və Azərbaycana gətirilmiş İstanbul Universitetinin doktorantı, iqtisadçı Fazil Qasımovun işi üzrə proses davam edir.
-
ABŞ prezidenti Co Bayden cümə günü bildirib ki, Vaşinqton və London Rusiyanın energetika sektoruna qarşı genişmiqyaslı sanksiyalar tətbiq etdikdən sonra Vladimir Putin "çətin vəziyyətə düşüb", bu barədə Turan-ın Vaşinqtondakı müxbiri xəbər verir.
-
Birləşmiş Ştatlar cümə günü Rusiyanın enerji sektoruna neft və maye qaz ixracını hədəfləyən, Moskvaya aylıq milyardlarla gəlir gətirən bizmesinə ən böyük sanksiyalarını tətbiq elədi.
Rəy yaz