Rəsmi Bakı Avropa Parlamentinin qətnaməsinə kəskin reaksiya verib. Qətnamədə Azərbaycanda insan hüquqları ilə bağlı vəziyyət sərt tənqid edilib. Sənəddə fəalların siyasi motivlərlə təqib olunmasında əli olan siyasətçilərə və hakimlərə qarşı ünvanlı sanksiyaların tətbiqinin mümkünlüyü məsələsi qoyulur.
Avropa Parlamentinin qəbul etdiyi qətnamə Azərbaycan əleyhinə qüvvələrin növbəti təxribat addımıdır. Bu barədə cümə axşamı Azərbaycanın sənaye və iqtisadiyyat naziri, Avropa İttifaqı ilə əməkdaşlıq üzrə Dövlət Komissiyasının sədri Şahin Mustafayev Aİ Bakı nümayəndəliyinin rəhbəri Malena Mard ilə görüşündə bildirib.
Sənaye və İqtisadiyyat Nazirliyinin mətbuat xidmətinin məlumatına görə,
Ş.Mustafayev qeyd edib ki, “Avropa Parlamentinin belə qərəzli addımı cavabsız qalmayacaq”.
Öz növbəsində Mard qətnamə ilə bağlı mövqeyin Avropa Komissiyasının diqqətinə çatdırılacağını vəd edib.
Qeyd edək ki, sentyabrın 10-da qəbul edilən qətnamədə Avropa Patrlamenti Avropa Xarici Siyasət Xidmətini və Aİ ölkələrini Azərbaycanda keçiriləcək parlament seçkilərinə müşahidəçi göndərməməyə çağırıb.—06D--
Siyasət
-
Birləşmiş Ştatlar cümə günü Rusiyanın enerji sektoruna neft və maye qaz ixracını hədəfləyən, Moskvaya aylıq milyardlarla gəlir gətirən bizmesinə ən böyük sanksiyalarını tətbiq elədi.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
BAKI, Azərbaycan (Reuters) - BP-Azerbaijan Şahdəniz qaz-kondensat yatağındakı Alpha dəniz platformasında əməliyyatları qaz kondensatının nəqli üçün istifadə olunan sualtı qaz boru kəmərində baş verən texniki nasazlıq səbəbilə dayandırıb. Bu barədə şirkətin sözçüsü Tamam Bayatlı cümə günü bildirib.
-
Qazaxıstanın Aktau şəhəri yaxınlığında baş verən təyyarə qəzası nəticəsində xəsarət alan şəxslərdən ümumilikdə 5 nəfərin (1 kişi, 4 qadın cinsli) müalicəsi Yeni Klinikada davam etdirilir.
Rəy yaz