Bakı Crans Montana Forumu gündəlikdən çıxarılıb

Beynəlxalq Crans Montana təşkilatı 27-30 iyun tarixlərində illik forumunun Bakıda keçirilməsi haqqında elanı saytdan çıxarıb. 24-cü illik Crans Montana Forumunun keçirilməsi haqqında elan təxminən bir ay ərzində saytda yer alıb və aprel ayında mətbuatda yayılıb. Azərbaycan tərəfi baş verənlərlə bağlı heç bir şərh vermir.

Forumda dünyanın müxtəlif ölkələrinin və işgüzar dairələrin 600-ə yaxın nümayəndəsinin iştirakı, “Azərbaycanda İKT ili: məqsədlər və imkanlar” adlı interaktiv sessiyaların keçirilməsi, “Uğurlu ikitərəfli əməkdaşlığın nümunəsi: Azərbaycan və Rumıniya”, “Azərbaycan və onun beynəlxalq əlaqələri: beynəlxalq və dini strategiyaların reallaşdırılması” adlı plenar sessiyalar planlaşdırılırdı.

Ötən ilin iyulunda Azərbaycan hökumətin dəstəyi və prezident İlham Əliyevin şəxsi himayəsi ilə keçirilən 23-cü Crans Montana forumunu qəbul edib. 

Crans Montana Forumu 1986-cı ildə Krans-Montanada (İsveçrə) yaradılmış beynəlxalq təşkilatdır. O, bütün əsas beynəlxalq təşkilatlar tərəfindən rəsmi olaraq qəbul edilib və onlarla sıx əlaqəli şəkildə işləyir. Crans Montana forumu BMT, YUNESKO, YUNİDO, İSESKO, Avropa İttifaqı, Avropa Şurası, OFİD, habelə ən böyük beynəlxalq qruplarla yaxından əməkdaşlıq edir.

Prezident İlham Əliyev və həyat yoldaşı Mehriban Əliyeva 2011-2012-ci illərdə Forumun ən yüksək “Prix de la Fondation” mükafatına layiq görülüb.

30 ildir fəaliyyət göstərən Fondun əsas vəzifəsinin adətən təşkilatın işgüzar qrupların nümayəndələri, müxtəlif ölkələrin dövlət və siyasi xadimləri ilə birbaşa əlaqələrinə yardım göstərilməsi olduğu bildirilirdi. Lakin mayın 27-də Crans Montana prezidenti Jan-Pol-Karteron NewEurope online nəşrinə müsahibəsində Crans Montana missiyasının daha səmimi ideyasını açıqladı – yeni demokratiyaların adaptasiyası və avtoritar rejimlərin liberalizm və demokratiya istiqamətində təkamülü.

Bu il rəsmi Bakının lobbiçilik etdiyi beynəlxalq tədbirlərlə bəxti gətirmir. Aprel ayında Bakıda MDBMİ məzunlarının ilk Ümumdünya Forumu və Davos İqtisadi Forumu uğursuz keçdir. Bir sıra ölkələrdən, o cümlədən Rusiyadan dəvət edilmiş yüksək vəzifəli məmurlar və biznesmenlər hər iki tədbirə məhəl qoymayıb. -0-