![Bakı ermənilərin Azərbaycanlı diversantları saxlaması haqqında məlumatları təkzib edir](https://turan.az/resized/750/500/resize/media/2014/main/071000083861.jpg)
Bakı ermənilərin Azərbaycanlı diversantları saxlaması haqqında məlumatları təkzib edir
Azərbaycan Müdafiə Nazirliyinin mətbuat xidməti erməni mənbələrinin Azərbaycan tərəfindən diversiya cəhdinin qarşısının alınması haqqında məlumatlarını təkzib edib.
Diversiya cəhdi, onun qarşısının alınması və bu qrupun üzvlərinin həbs edilməsi haqqında məlumatlar həqiqətə uyğun deyil, bu barədə Turan-a mətbuat xidmətinin nümayəndəsi bildirib.
Xatırladaq ki, Ermənistan KİV-ləri iyulun 10-da Kəlbəcərdə Azərbaycan diversiyasının qarşısının alınması haqqında qarışıq məlumat yayıb. Lakin ilkin olaraq bildirilirdi ki, bu şəhərdə (1993-cü ilin aprel ayında ermənilər tərəfindən işğal edilib) iki Azərbaycanlı görülüb, onlardan biri saxlanılıb, digəri isə qaçıb.
Sonradan Ermənistan tərəfi bildirib ki, “kəşfiyyat-diversiya hərəkətləri cəhdinin” qarşısı alınıb. Bu zaman “düşmən zamanında görülüb, onun bir neçə üzvü həbs edilib, digərləri isə qaçıb”, deyə Ermənistan Müdafiə Nazirliyinin mətbuat xidməti iddia edir. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz