![Açiq mənbələrdən foto.](https://turan.az/resized/750/500/resize/media/2023/main/083100065967.webp)
Açiq mənbələrdən foto.
Bakı Fransanı Azərbaycanın suverenliyinin pozulmasına son qoymağa çağırıb
Bakı/31.08.23/Turan: Avqustun 31-də Fransanın Azərbaycandakı səfiri Ann Buayon Azərbaycan Xarici İşlər Nazirliyinə çağırılıb.
Xarici İşlər Nazirliyinin məlumatında deyilir ki, Paris meri və "humanitar yükü" müşayiət edən bir sıra şəhərlərin nümayəndələri tərəfindən təxribatyönlü, Azərbaycan əleyhinə bəyanatları ilə bağlı səfirə nota təqdim olunub.
Qeyd olunub ki, Fransa tərəfinin bu addımı Azərbaycanın daxili işlərinə birbaşa müdaxilə olmaqla yanaşı, ölkəmizin beynəlxalq hüquqla qorunan suverenliyi və ərazi bütövlüyünə qarşı qəsddir.
Bu təxribatyönlü əməllər bölgədə vəziyyətin gərginləşməsinə yönələn və Ermənistanı revanşist mövqeyini davam etdirməyə həvəsləndirən və son günlər daha da intensivləşən addımların növbəti nümunəsidir.
Azərbaycan tərəfi onunla razılaşdırılmadan beynəlxalq hüquq normalarına zidd olaraq ölkənin beynəlxalq tanınmış ərazisinə yük göndərmək cəhdini təxribatyönlü addım hesab edib.
Bakı Fransadan Azərbaycanın suverenliyi və ərazi bütövlüyünə qarşı yönələn və regionda kövrək normallaşma prosesini təhlükə altına qoyan addımlarına son qoymağı tələb edir . 0
Siyasət
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
Rəy yaz