Bakı/07.02.18/Turan: "Dominik De Buman İsveçrə Milli Şurasının spikeri kimi rəsmi statusundan sui-istifadə edərək Ermənistana səfər əsnasında İsveçrənin neytrallıq siyasətinə zidd olaraq qərəzli açıqlamalarla çıxış edir və Ermənistan-Azərbaycan Dağlıq Qarabağ münaqişəsinin həlli üzrə danışıqlara xələl yetirir", - Azərbaycan XİN mətbuat xidmətinin rəhbəri Hikmət Hacıyev bildirib.
O, Bumanın Yerevanda verdiyi bəyanatı seqreqasiya və rasizmin təzahürü adlandırıb.
H.Hacıyev xatırladıb ki, 2012-ci ildə Buman Azərbaycanın qanunlarını, ərazi bütövlüyü və suverenliyini pozaraq Azərbaycanın Ermənistan Silahlı Qüvvələri tərəfindən işğal olunmuş ərazilərinə qanunsuz səfər edib.
"Bu səfərlə və indi Yerevandan səsləndirdiyi fikirlərlə o, Ermənistanın Azərbaycana qarşı təcavüzü, ölkəmizin ərazilərinin Ermənistan Silahlı Qüvvələri tərəfindən işğalı və işğal olunmuş ərazilərimizdə bir milyondan artıq azərbaycanlıya qarşı törədilmiş qanlı təmizləməyə bəraət qazandırdığını nümayiş etdirir", -H.Hacıyev bildirib.
Xatırladaq ki, İsveçrə Milli Şurasının rəhbəri Dominik de Buman fevralın 6-da Ermənistan parlamentində çıxışı zamanı deyib ki, Qarabağ münaqişəsinin nizamlanmasını BMT konvensiyasının və millətlərin öz müqəddəratını təyin etmək hüququnün əsasında görür.
"Digər xalqlar kimi, Dağlıq Qarabağ xalqı da öz taleyini özü həll etməlidir. Problemin nizamlanması ancaq danışıqlar yolu ilə, qəbul olunmuş BMT konvensiyaları və öz müqəddəratını təyinetmə hüququ əsasında mümkündür", - o vurğulayıb. -02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz