Bakı neqativ fonu aradan qaldırır
Bu gün Azərbaycanın XİN rəhbəri Elmar Məmmədyarov Moskvaya ikigünlük səfərə gedib. Rusiyalı həmkarı Sergey Lavrov ilə görüşdə ikitərəfli münasibətlər, beynəlxalq və regional məsələlər müzakirə olunacaq.
Ekspertlər güman edirlər ki, E.Məmmədyarovun səfəri son zamanlar Rusiya-Azərbaycan münasibətləri ətrafında yaranmış neqativin aradan qaldırılmasına yönəlib. Bu barədə “Nezavisimaya qazeta” yazır.
Rusiya XİN İnformasiya və Mətbuat Departamentinin direktor müavini Mariya Zaxarova bildirib ki, danışıqların gündəliyinə Qarabağ nizamlanması da daxildir. Belə ki, Rusiya ATƏT-in Minsk Qrupu çərçivəsində aparıcı vasitəçilərdən biri kimi çıxış edir. “Azərbaycan Zaqafqaziya və Xəzər regionunda bizim strateji tərəfdaşımızdır”, - o bildirib.
Lakin Rusiya-Azərbaycan münasibətlərini daha geniş formatda götürsək, “Şimal-Cənub” Mərkəzinin politoloqu Aleksey Vlasov hesab edir ki, “rəsmi Bakı ölkənin xarici oyunçulara qarşı siyasətinin necə olacağını hələlik müəyyən etməyib”.
“Bu gün Bakıda eyni vaxtda bir neçə istiqamət üzrə gərginlik yaranıb: ATƏT, İran və ABŞ” , - A.Vlasov qeyd edib. E.Məmmədyarov ATƏT-in Azərbaycandakı missiyasının statusunun Koordinasiya Şurasına qədər endirilməsi barədə niyyətini bildirib. O, qarşıdakı seçkilərdə beynəlxalq müşahidəçilərin iştirakının mümkünlüyünü istisna etməyib, ancaq əgər missiyanın statusu aşağı salınarsa, ATƏT nümayəndələrinin hesabatı ən yaxşı halda qeyri-formal sənəd statusu alacaq.
İkinci gərginlik nöqtəsi Azərbaycan vətəndaşlarının həbs edildiyi İran, üçüncü maliyyələşdirdiyi bəzi QHT-lərin bağlanmasından narazı olan ABŞ-dır.
Rusiya ilə münasibətlərə gəlincə, Qəbələ RLS və ya Bakı-Novorossiysk boru kəməri üzrə müqavilələrin ləğvi ilə bağlı son hadisələr xüsusi problem doğurmayıb. —0—
-
- Siyasət
- 20 May 2013 12:20
-
- İqtisadiyyat
- 20 May 2013 13:16
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz