Allahşükür Paşazadə İranda yüksək səviyyədə görüşlər keçirib
Qafqaz Müsəlmanları İdarəsinin (QMİ) rəhbəri şeyxülislam Allahşükür Paşazadənin rəhbərliyi ilə nümayəndə heyəti İranda səfərdədir. Ötən gün o, İranın Təhlükəsizlik Şurasının katibi Səid Cəlili, parlamentin spikeri Əli Laricani və prezident Mahmud Əhmedinecatla görüşlər keçirib.
FARS agentliyi bildirir ki, görüşlərdə iki ölkə xalqlarının tarixi yaxınlığı və qohumluğu qeyd olunub, iqtisadi əlaqələrin canlandırılmasının vacibliyi vurğulanıb.
Ə.Laricani Azərbaycanda dini maarifləndirmənin genişlənməsinə çağırıb. Onun fikrincə, bu, ölkənin inkişafına və möhkəmlənməsinə səbəb ola bilər.
M.Əhmədinecat ilə görüşdə qeyd olunub ki, hər iki ölkə bütün məsələlərdə bir-birini dəstəkləyir.
Şeyx İranın ali dini lideri Əli Xamneyi ilə görüşüb. İran KİV-in məlumatına görə, görüş səmimi atmosferdə keçib. A.Paşazadə Xamneyini Azərbaycana səfərə dəvət edib.
Şeyxin səfəri mayın 18-də başlayıb və hazırda davam edir. Azərbaycan nümayəndə heyətinin tərkibinə İran-Azərbaycan parlamentlərarası dostluq qrupunun üzvləri də daxildir.
Qeyd edək ki, İran hakimiyyəti Azərbaycanın rəsmi şəxslərini o qədər də yüksək səviyyədə qəbul etmir. Belə ki, bir müddət əvvəl Azərbaycanın baş ideoloqu Əli Həsənov İranda səfərdə olub, lakin onu ölkənin mədəniyyət nazirinin müavini qəbul edib.
Azərbaycan Prezident Administrasiyasının rəhbəri Ramiz Mehdiyev də bu yaxınlarda İranda olub. Növbəti gün İran hakimiyyəti azərbaycanlı ədəbiyyatşünas Xalidə Xalidi həbs edib.16D-
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz