Azərbaycan-Yunanıstan danışıqları və boru kəmərləri
Dünən prezident İlham Əliyev Azərbaycanda işgüzar səfərdə olan Yunanıstanın baş naziri Antonis Samarasla görüşüb.
Dövlət başçısının saytının məlumatına görə, görüşdə Azərbaycanla Yunanıstan arasında ikitərəfli münasibətlərin müxtəlif sahələrdə uğurla inkişaf etdiyi vurğulanıb. İki ölkə arasında enerji sahəsindəki əməkdaşlığın daha da genişləndirilməsi üçün perspektivlərin olduğu bildirilib, ikitərəfli münasibətlərin inkişafının Azərbaycanla Avropa İttifaqı arasında əlaqələr baxımından önəmli olduğu qeyd olunub.
Analitiklər hesab edir ki, tərəflər ehtimal ki Transadriatik boru kəməri (TAP) layihəsini müzakirə ediblər. Bu kəmər “Şahdəniz”dən Avropa bazarlarına qaz nəqli üçün iki (ikincisi Nabucco West) variantdan biridir. TAP qazın Yunanıstan ərazisindən keçməsini nəzərdə tutur. Ehtimal edilir ki, Yunanıstanın baş naziri ikitərəfli iqtisadi əlaqələr, bu ölkəyə investisiya məsələsini də qaldırıb. Analitiklərə görə, tərəflər Yunanıstanın qaz sisteminin özəlləşdirilməsi məsələsindən də yan keçməyəcək. ARDNŞ “Qazprom” və 2 iri şirkətlə birgə Yunanıstanın DEPA və DESPA qaz şirkətlərinin özəlləşdirilməsi üzrə müsabiqədə iştiak edir.
Aprelin sonunda bu məsələlər Yunanıstan XİN rəhbəri Avramopulosun Bakıya səfəri zamanı müzakirə edilib.
Statistikaya əsasən, 2012-ci ildə iki ölkə arasında əmtəə dövriyyəsi $1 mlr dolub. Bu, bir il öncəkindən iki dəfə çoxdur.
Səfər öncəsi "Avroviziya-2013"də Azərbaycan 2-ci olub. Səsvermə zamanı Azərbaycan Yunanıstandan ən yüksək səs alıb - "12". Müşahidəçilərin fikrincə, Yunanıstan bununla qaz marşrutu seçimində əlavə xal almaq istəyir.
Amma rəqib Nabucco-West "Avroviziya-2013"ə daha yaxşı hazırlaşıb. Bolqarıstan, Macarıstan, Avstriya Azərbaycana "12", Rumıniya 10 xal verib. ТАР layihəsinin digər üzvləri Azərbaycana az xal verib - Albaniya "7", İtaliiya "0". --12D--
İqtisadiyyat
-
Azərbaycan Respublikası Dövlət Neft Şirkəti (SOCAR) və qlobal dəniz mühəndisliyi və tikinti sahəsində lider olan Subsea7, Xəzər dənizinin Azərbaycan sektorunda yeni layihələr üzrə əməkdaşlığı genişləndirmək istiqamətində müzakirələr aparırlar. SOCAR prezidenti Rövşən Nəcəf və Subsea7 baş direktoru Con Evans arasında keçirilən görüşdə tərəflər Subsea7-nin texnoloji yeniliklərinin qarşıdakı layihələrdə tətbiq edilməsi potensialını müzakirə etdilər. Həmçinin, hər iki şirkət üçün maraqlı olan digər mövzular da nəzərdən keçirildi.
-
Dövlət Gömrük Komitəsi və Dövlət Statistika Komitəsinin məlumatlarına görə, 2024-cü ilin ilk doqquz ayında Azərbaycanda ət idxalında əhəmiyyətli artım müşahidə olunub, daxili istehsalın daha mülayim artımı fonunda.
-
Çərşənbə günü Bakı şəhərində "Gələcəyin Dayanıqlı Nəqliyyatı" adlı tədbir keçirilir. Tədbir, ətraf mühitə mənfi təsiri minimuma endirən dayanıqlı nəqliyyat konseptlərini təşviq etmək məqsədi ilə "Azərbaycan Dəmir Yolları" QSC-nin dəstəyi ilə təşkil olunub. Tədbirdə, istixana qazlarının emissiyalarının azaldılmasına töhfə verən piyada gəzintisi, velosiped sürmə, yaşıl ictimai nəqliyyat sistemləri və ekoloji cəhətdən təmiz nəqliyyat vasitələri kimi ətraf mühitə dost nəqliyyat variantları vurğulanıb.
-
2024-cü il oktyabrın 23-də Çinin Qingdao şəhərində “Bir kəmər, bir yol” (OBOR) təşəbbüsü çərçivəsində 3-cü Energetika Nazirlərinin Konfransı açılıb. Dünyanın müxtəlif ölkələrindən energetika nazirləri qlobal enerji təhlükəsizliyi, təmiz enerjiyə keçid və sektorda yeniliklərlə bağlı vacib məsələləri müzakirə etmək üçün toplaşıblar.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 201
Rəy yaz