azertag.az
Bakı Tehranın Azərbaycan səfirliyinə hücum edən şəxs barəsində hökmü yerinə yetirməsini gözləyir
Bakı Tehranın 2023-cü ilin yanvar ayında Azərbaycanın İrandakı səfirliyinə silahlı hücum həyata keçirmiş şəxs barəsindəki hökmü yerinə yetirməsini gözləyir.
Bu gün Azərbaycanın baş prokuroru Kamran Əliyevin jurnalistlərə verdiyi məlumata görə, hazırda tərəflər bu məsələ ilə bağlı danışıqlar aparırlar. Onun sözlərinə görə, məsələ "prosessual xarakter" daşıyır.
"İndi biz qarşı tərəfin müvafiq hökmü təsdiq etməsini gözləyirik", deyə baş prokuror əlavə edib.
Bu yaxınlarda Azərbaycanın hökumətyönlü KİV-lərində İranda Azərbaycan səfirliyinə silahlı hücum törədən şəxs barəsində hökmün indiyədək yerinə yetirilmədiyi, bunun da Bakının narazılığına səbəb olduğu haqqında məlumatlar yayılıb.
Xatırladaq ki, 27 yanvar 2023-cü il tarixində avtomatla silahlanmış İran vətəndaşı Yasin Hüseynzadə səfirliyin binasına daxil olub, mühafizə rəisini öldürüb, daha iki nəfəri isə yaralayıb.
Bakı hücumu terror aktı kimi qiymətləndirib. Səfirlik təxliyə edilib. 2023-cü ilin oktyabrında Yasin Hüseynzadə edam cəzasına məhkum edilib. Lakin bu məlumat rəsmi təsdiqini tapmayıb. Diplomatik mənbələrin məlumatına görə, ölüm hökmü indiyədək icra olunmayıb. Bu ilin yayında Azərbaycan səfirliyi Tehranda yeni binada öz işini bərpa edib.
-
- Maliyyə
- 1 Oktyabr 2024 11:33
Siyasət
-
Dövlət başçısının sərəncamı ilə Rəhman Mustafayev Azərbaycanın Rusiyada səfiri təyin edilib.
-
Fransanın Myuluz şəhərində yaşayan azərbaycanlı siyasi mühacir Vidadi İsgəndərlinin vəziyyəti ağır olaraq qalır. Bu barədə onun qardaşı Oqtay İsgəndərli Vidadi İsgəndərlinin müalicə aldığı klinikanın baş həkimi ilə görüşündən sonra Turan agentliyinə bildirib.
-
Bazar ertəsi Birləşmiş Ştatlar bildirib ki, Ukrayna öz silahları ilə Rusiyanın dərinliklərinə Qərbin icazəsi olmadan da zərbə endirə bilər.
-
Təbliğata və dezinformasiyaya qarşı mübarizə "Sərhədsiz Reportyorlar"ın (RSF) real jurnalistikanın təşviqi uğrunda fəaliyyətində mühüm yer tutur. Məhz buna görə sentyabrın 30-da "Təbliğatın monitorinqi" layihəsinə start verilib.
Rəy yaz