ABŞ bildirir ki, Ukrayna öz istehsalı olan silahlardan istifadə etməklə Rusiyaya zərbə endirə bilər
ABŞ bildirir ki, Ukrayna öz istehsalı olan silahlardan istifadə etməklə Rusiyaya zərbə endirə bilər
Bazar ertəsi Birləşmiş Ştatlar bildirib ki, Ukrayna öz silahları ilə Rusiyanın dərinliklərinə Qərbin icazəsi olmadan da zərbə endirə bilər.
"Ukraynanın həqiqətən özünümüdafiə üçün bir çox vasitələri var", deyə Dövlət Departamentinin nümayəndəsi Metyu Miller brifinqdə Turan-ın suallarına cavabda bildirib.
"O, suveren ölkədir və öz istehsal etdiyi silahlardan istifadə edə bilər, onun belə silahları çoxdur", deyə o qeyd edib.
Bu yaxınlarda Kiyev öz uzaq mənzilli PUA-larından istifadə ilə Rusiya ərazisindəki hədəflərə uğurlu hücumlar həyata keçirib.
Miller deyib ki, ABŞ Ukraynanın müdafiə sənayesi bazasının inkişafına investisiyalarını davam etdirir. "Biz hər zaman onlara yardım etmək üçün əlavə imkanlar axtarırıq. Cümə axşamı prezident Bayden təhlükəsizlik sahəsində 8 milyard dollarlıq əlavə yardım ayrıldığını açıqlayıb", deyə o qeyd edib.
Miller Vaşinqtonun Ukraynanın cavab zərbəsi üçün Amerika silahından istifadə etməsinə niyə icazə verməməsi haqqında Turan-ın sualına birbaşa cavabdan yayınaraq, ABŞ-ın Ukraynaya dəstək üçün bütün imkanları nəzərdən keçirdiyini bildirib.
-
- Maliyyə
- 1 Oktyabr 2024 12:13
Siyasət
-
Dövlət başçısının sərəncamı ilə Rəhman Mustafayev Azərbaycanın Rusiyada səfiri təyin edilib.
-
Fransanın Myuluz şəhərində yaşayan azərbaycanlı siyasi mühacir Vidadi İsgəndərlinin vəziyyəti ağır olaraq qalır. Bu barədə onun qardaşı Oqtay İsgəndərli Vidadi İsgəndərlinin müalicə aldığı klinikanın baş həkimi ilə görüşündən sonra Turan agentliyinə bildirib.
-
Bakı Tehranın 2023-cü ilin yanvar ayında Azərbaycanın İrandakı səfirliyinə silahlı hücum həyata keçirmiş şəxs barəsindəki hökmü yerinə yetirməsini gözləyir.
-
Təbliğata və dezinformasiyaya qarşı mübarizə "Sərhədsiz Reportyorlar"ın (RSF) real jurnalistikanın təşviqi uğrunda fəaliyyətində mühüm yer tutur. Məhz buna görə sentyabrın 30-da "Təbliğatın monitorinqi" layihəsinə start verilib.
Rəy yaz