Bakıda Azərbaycan-Rusiya dialoqu keçirilir
Cümə axşamı Bakıda “Rusiya-Azərbaycan dialoqu -2012” sayca üçüncü Rusiya-Azərbaycan regionlararası forum öz işinə başlayıb.
Rəsmi açılış hissəsindən sonra forum yeddi seksiyada keçirilir: “Xəzər regionunda Rusiya və Azərbaycan arasında strateji əməkdaşlıq” , “Humanitar əlaqələrin potensialı və əhəmiyyəti”, “İki ölkə arasında strateji tərəfdaşlığın möhkəmləndirilməsinə yönələn birgə enerji layihələri”, “Nəqliyyat sahəsində əməkdaşlıq”, Rusiya və Azərbaycan gəncliyi - əməkdaşlıq üfüqlər”, “Rusiya və Azərbaycanın regionlararası əməkdaşlığının hazırkı vəziyyəti və inkişaf perspektivləri", "Rusiya və Azərbaycanın regionlararası əməkdaşlığının inkişafı kontekstində bank sektoru və investisiyalar",
Azərbaycan və Rusiya prezidentlərinin adından iştirakçılara Azərbaycan Prezident Administrasiyasının rəhbəri Ramiz Mehdiyev və Rusiya prezidentinin xarici ölkələrlə regionlararası və mədəni əlaqələr üzrə idarəsinin rəisi Vladimir Çernov müraciət ediblər.
Keçilmiş yolun qiymətləndirilməsi və ikitərəfli münasibətlərin inkişaf perspektivləri baxımından prezidentlərin müraciətləri demək olar ki, üst-üstə düşüb. Hər iki müraciətdə strateji tərəfdaşlığın müsbət vəziyyəti və tarixi dostluğun möhkəmləndirilməsi qeyd olunub.
Azərbaycan Prezident Administrasiyasının rəhbərinin və RF-nin Azərbaycandakı səfiri Vladimir Doroxinin çıxışlarında iqtisadi əlaqələrin inkişafına xüsusi diqqət yetirilib.
R.Mehdiyevin məlumatına görə, 2011-ci ildə əmtəə dövriyyəsi 47,4% artıb və 2,8 mlrd. dollara çatıb. 2012-ci ildə Azərbaycanda 457 Rusiya müəssisəsi və yüz faiz və ya qarışıq kapitallı təşkilat fəaliyyət göstərib.
V.Doroxin RF subyektlərinin Azərbaycana səfərlərini rekord adlandırıb. 2011-ci ildə Azərbaycana Rusiyanın yeddi subyektindən yüksək nümayəndə heyətləri gəlib. Onlar Azərbaycanla əməkdaşlıq haqqında 6 sənəd imzalayıblar.
Milli Məclisin İqtisadi siyasət komitəsinin sədri Ziyad Səmədzadə qeyd edib ki, forumda irəli sürülən təkliflər Azərbaycanla Rusiya arasında sosial-iqtisadi əlaqələrin inkişaf strategiyasında nəzərə alınacaq.
Forum Rusiya və Azərbaycan Prezident administrasiyalarının dəstəyilə “Avrasiya Araşdırmalar İnstitutu” İnkişaf Fondu tərəfindən təşkil edilib.
Forumda hakimiyyətin bütün qollarının, işgüzar dairələrin, ekspert birliyinin 300-ə yaxın nümayəndəsi iştirak edir. İlk forum 2010-cu ildə Bakıda, ikinci 2011-ci ildə Həştərxanda keçirilib.—0—
-
- İqtisadiyyat
- 28 İyun 2012 13:21
-
- İqtisadiyyat
- 28 İyun 2012 13:33
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz