Açiq mənbələrdən foto.
Bakıda Ukraynada həlak olan azərbaycanlıların adlarının yazıldığı xatirə lövhəsi açılıb
Bakı/13.05.23/Turan: Ukrayna səfirliyi bu ölkənin müdafiəsi zamanı həlak olan azərbaycanlıların adlarının olduğu xatirə lövhəsinin qurulması münasibətilə təntənəli tədbir keçirib.
Ukraynanın Azərbaycandakı səfiri Vladislav Kanevski Facebook səhifəsində bildirib ki, mərasimdə həlak olan qəhrəmanların ailələri, həmçinin diplomatik missiyanın, Ukrayna diasporunun, Ukrayna təşkilatlarının və Azərbaycan icmalarının nümayəndələri iştirak ediblər.
"Ukraynada yaşayan etnik azərbaycanlılar Rusiyanın Ukraynaya qarşı genişmiqyaslı silahlı təcavüzünün başlanması ilə bizim dövlətimizin suverenliyini və ərazi bütövlüyünü qətiyyətlə müdafiə etdilər.
Bu gün torpaqlarımızın rusiyalı işğalçılardan azad edilməsi uğrunda həlak olan 26 igid azərbaycanlının adları bizə məlumdur ", - diplomat qeyd edib.
O həmçinin əlavə edib ki, Ukrayna Ticarət- Sənaye Palatası ilə birlikdə səfirlik Ukraynanın suverenliyini və ərazisini müdafiə edərkən həlak olan Azərbaycan qəhrəmanları haqqında sənədli film üçün materialların toplanmasına başlayıb. 06B
-
- Foto sessiyalar
- 13 May 2023 11:30
-
- Söz istəyirəm
- 13 May 2023 12:45
Siyasət
-
Almaniya Parlamentinin”İşıqfor” Koalisiyasının üzvləri, insan haqları siyasətçiləri Renata Alt (FDP), Boris Miyatoviç (Yaşıllar) və Frank Şvabe (SDP) Azərbaycanda Qubad İbadoğlunun və digər siyasi məhbusların azad edilməsinə dair açıqlama yayıblar.
-
Mayın 17-də ictimai fəal və hüquq müdafiəçisi Bəxtiyar Hacıyevin işi üzrə məhkəmə prosesində zərərçəkən məhkəmə məmuru Orxan Abdullayevin ifadələri dinlənilib.
-
Mayın 17-də Azərbaycan və Belarus prezidentləri Füzulidən Şuşaya gediblər.
-
Bu gün Avropa İttifaqı Şurası Rusiya təbliğatı yayan və Ukraynaya qarşı təcavüzkar müharibəni dəstəkləyən daha dörd KİV-in: "Avropanın səsi", RİA Novosti, "İzvestiya" və "Rossiyskaya qazeta"nın Avropa İttifaqında yayımını dayandırmaq qərarına gəlib.
Rəy yaz