Bakı/14.12.18/Turan: Cümə günü baş nazir Novruz Məmmədov Amerika Birləşmiş Ştatlarının Beynəlxalq İnkişaf Agentliyinin (USAID) Avropa və Avrasiya bürosu üzrə administratorunun müavini Brok Birmanın rəhbərlik etdiyi nümayəndə heyətini qəbul edib.
Rəsmi məlumata görə, Məmmədov bildirib ki, "beynəlxalq münasibətlərdə müəyyən gərginliyə baxmayaraq", Azərbaycan uğurla inkişaf edir.
Daha sonra o, Azərbaycan və USAID arasında kənd təsərrüfatı, səhiyyə, humanitar və digər sahələrdəki əməkdaşlığın uğurla inkişaf etdiyini bildirib.
"Biz bundan sonra da əməkdaşlığımızı konstruktiv əsaslarda davam etdirmək əzmindəyik", deyə Məmmədov bildirib.
Məlumatda deyilir ki, tərəflər Azərbaycan hökuməti və USAID arasında əməkdaşlığın perspektivlərini müzakirə ediblər. -02D-
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz