Bakı/14.12.18/Turan:Elektrik təchizatının yaxşılaşdırılması, yolların abadlaşdırılması, tibb məntəqələrinin inşası və həmçinin suvarma və təsərrüfat sularından istifadə imkanları yaradan icma inkişafı layihələri 14 və 15 dekabr tarixlərində keçirilmiş Dördüncü İllik İcma İnkişafı üzrə Konfransın əsas mövzusu oldu. İcma inkişafı sahəsində əldə edilmiş nailiyyətləri müzakirə etmək üçün ABŞ Beynəlxalq İnkişaf Agentliyinin (USAID) Administratorunun Avropa və Avrasiya üzrə müavini cənab Brok Birman və Azərbaycan Respublikası İqtisadiyyat nazirinin müavini cənab Sahib Məmmədov 24 rayonun 150-yə yaxın icmasını təmsil edən icma liderləri ilə bir araya gəldilər.
Konfrans iştirakçıları sosial iqtisadi icma inkişafı layihələrini icra etmək üçün resursların səfərbər edilməsində əldə etdikləri uğurlar, qarşılaşdıqları çətinliklər və ən yaxşı təcrübələr və həmçinin Azərbaycanın aid olduqları regionlarında icma inkişafı sahəsində yeni imkanlar və fəaliyyətlər haqqında məlumatları bölüşdülər. İki günlük konfrans USAID və Azərbaycan Respublikası İqtisadiyyat Nazirliyi tərəfindən dəstəklənən Azərbaycanda Sosial İqtisadi İnkişaf Fəaliyyəti (SEDA) proqramı çərçivəsində Şərq-Qərb İdarəetmə İnstitutu (EWMI) tərəfindən təşkil edilib.
SEDA proqramı çərçivəsində 215.000-dən çox insanın məskəni olan 150-yə yaxın icmaya onların həyat və güzaranlarını yaxşılaşdıran 125 sosial iqtisadi layihə vasitəsilə kömək edilib. Proqram əlavə 43 sosial iqtisadi layihəni icra etmək üçün 2019-cu ilin oktyabr ayına qədər icmalarla əməkdaşlığı davam etdirəcək.
Konfransin ilk günü icma inkişafı sahəsində liderlik göstərmiş layihə iştirakçılarını təltif etmə mərasimi ilə başa çatıb.
Şərq-Qərb İdarəetmə İnstitutu tərəfindən icra edilən USAID-in Sosial-İqtisadi İnkişaf Fəaliyyəti (SEDA) proqramı sosial iqtisadi inkişafı yüksəltmək və kənd yerlərində həyat şəraitini yaxşılaşdırmaq üçün vətəndaşlar, vətəndaş cəmiyyəti təşkilatları və hökumət arasında əməkdaşlığı dəstəkləyir. Xəbəri ABŞ səfirliyi yayıb.--0--
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz