Bayden: “ABŞ dünyada azadlıq və insan hüquqlarının müdafiəsini davam etdirəcək”

Vaşinqton/09.11.23/Turan: ABŞ prezidenti Co Bayden 9 noyabrı  Ümumdünya Azadlıq Günü elan edib və öz  ölkəsinin tərəfdaşları və müttəfiqlərilə birlikdə "dünyada hər bir insanın hüququ olan fundamental azadlıqları və insan hüquqlarını müdafiə etməyə davam edəcəyini" vəd edib, Turan-ın Vaşinqton müxbiri bildirib.

"Ümumdünya Azadlıq Günündə xatırlayırıq ki, Berlin divarını yıxan çəkic zərbəsi və dəmir pərdəni qaldıran güc hər hansı bir liderin sözlərindən qaynaqlanmayıb-onlar onilliklər boyu öz azadlıqları və demokratiyanı müdafiə etmək üçün mübarizə aparan Avropa xalqı olub", - Bayden öz müraciətində deyib.

"Biz bütün dünyada qanunun aliliyinə, demokratik azadlıqlara və həqiqətin özünə nifrəti yenidən nümayiş etdirən avtokratik qüvvələrin dirçəlişini müşahidə edirik. Rusiyanın Ukraynaya qarşı davam edən təcavüzü  başqa bir azadlıq və avtoritarizm savaşıdır  ki,   bizə demokratiya uğrunda mübarizənin əbədi olduğunu və hər gün dəyərlərimizi qorumalı olduğumuzu xatırlamağa məcbur edir”, - o qeyd edib. 0