Bayden Konqresdən Ukraynaya 33 mlrd. dollar yardım istəyir

Vaşinqton/29.04.22/Turan: Cümə axşamı prezident Bayden Konqresdən Rusiyanın təcavüzünə qarşı mübarizəsində Ukraynaya dəstək üçün silah və digər yardım məqsədilə 33 milyard dollar ayrılmasına icazə istəyib, bu barədə Turan-ın Vaşinqton müxbiri məlumat verib.

"Biz Rusiyaya hücum etmirik, biz Ukraynaya Rusiyanın təcavüzündən qorunmaqda kömək edirik, deyə Bayden Ağ Evdə çıxışında bildirib.

Ukraynalılara yaxın aylarda Rusiyanın hücumunu dəf etməkdə kömək üçün 33 milyard dollar lazımdır. Maliyyə yardımı bu maliyyə ili (sentyabra qədər) üçün nəzərdə tutulub, deyə administrasiya nümayəndəsi Turan-ın müxbirinə bildirib.

Qeyd edilən vəsaitin 20,4 milyard dolları hərbi yardıma və təhlükəsizliyin təmin edilməsinə - 5 milyard silah yardımı, 8,5 milyard dollar iqtisadi yardım, 3 milyard dollar humanitar və ərzaq yardımıdır.

"Bu vəsait fasiləsiz artilleriya, zirehli texnika, tank və hava hücumundan müdafiə vasitələri axınını təmin edəcək. Bu, həmçinin ABŞ qoşunlarının NATO ölkələri ərazisində yerləşdirilməsinə dəstək sayəsində NATO-nun təhlükəsizlik sistemini möhkəmləndirəcək", deyə Ağ Evin nümayəndəsi jurnalistlərə bildirib. -25В-