Vaşinqton/27.03.22/Turan: ABŞ prezidenti Co Bayden şənbə günü deyib ki, Vladimir Putin Ukraynaya işğala başladıqdan sonra “hakimiyyətdə qala bilməz”. TURANın Vaşinqton müxbirinin verdiyi məlumata görə, bir qədər sonra Ağ Ev bu bəyanata münasibət bildirib.
Ağ Evin şərhində deyilir ki, “Prezidentin nöqteyi-nəzəri ondan ibarətdir ki, Putin qonşuları və yada region üzərində hakimiyyət tətbiq edə bilməz. O, Rusiyadakı rejim dəyişikliyini müzakirə etməyib”.
Öz növbəsində ABŞ-ın Rusiyadakı keçmiş səfiri Maykl Makfol tvitter hesabında yazıb ki, Bayden bütün dünyada milyardlarla və Rusiyada milyonlarla insanın düşündüklərini ifadə edib. "O, ABŞ-ın onu hakimiyyətdən uzaqlaşdırması lazım olduğunu söyləməyib."
Baydenə Putinin Mariupol şəhərind əki qırğında rolu barədə soruşduqda, prezident “O, qəssabdır” deyib.
“Bu müharibə sizə, rus xalqına layiq deyil. Putin bu müharibəni bitirməlidir. Amerika xalqı sizi və sülh istəyən cəsur Ukrayna vətəndaşlarını dəstəkləyəcək.
Siz rus xalqı bizim düşmənimiz deyilsiniz. Mən sizin günahsız uşaqların və nənə və babaların öldürülməsini alqışladığınıza inanmıram”, - Bayden deyib.
O qeyd edib ki, Ukrayna prezidenti Vladimir Zelenski demokratik yolla seçilib və Putinin Ukraynanı denazifikasiya etdiyi barədə bəyanatları “qeyri-qanuni yalan”dır. -0-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz