![U.S. President Joe Biden](https://turan.az/resized/media/2022/main/083100050209-750-500-resize.webp)
U.S. President Joe Biden
Bayden Qorbaçovu dünyanı daha təhlükəsiz edən “nadir lider” adlandırıb
Vaşinqton/31.08.22/Turan: ABŞ prezidenti Co Bayden çərşənbə axşamı dünyasını dəyişən keçmiş SSRİ prezidenti Mixail Qorbaçovu dünyanı daha təhlükəsiz edən “nadir lider” adlandırıb.
“Mixail Qorbaçov gözəl dünyagörüşlü insan idi. O, fərqli bir gələcəyin mümkün olduğunu görən nadir keyfiyyətə malik idi və bunu əldə etmək üçün karyerasını riskə atmaqdan qorxmadı”, - Bayden bildirib.
“Nəticədə dünya daha təhlükəsiz, milyonlarla insan isə azad oldu.
O, hakimiyyətə gələndə 40 ilə yaxın idi ki, soyuq müharibə davam edirdi. Bir neçə yüksək rütbəli sovet məmuru bütün bunların dəyişdirilməsinə ehtiyac olduğunu etiraf etməyə cəsarət göstərdi. Mən o zaman Senatın Xarici Əlaqələr komitəsinin üzvü kimi Gorbaçovun bunu necə etməyə çalışdığını gördüm”, - deyə Bayden bildirib.
Bayden həmçinin xatırladıb ki, Qorbaçov prezident Reyqanla iki ölkənin nüvə arsenalını azaltmaq və nüvə silahı yarışına son qoymaq üçün çalışıb.
“Ölkədə onilliklər ərzində amansız siyasi repressiyalardan sonra Qorbaçov demokratik islahatlara başladı. O, aşkarlıq və yenidənqurmanı təkcə şüarlar kimi deyil, Sovet İttifaqı xalqlarının uzun illər təcrid və məhrumiyyətlərdən sonra irəliləyiş yolu kimi görürdü”.
Vəzifədən getdikdən sonra da Qorbaçov işləyirdi. “Cənab Qorbaçov 2009-cu ildə Ağ Evə səfər edəndə biz onunla ölkələrimizin nüvə ehtiyatlarının azaldılması istiqamətində gördüyü işlərdən danışdıq. Onu bütün dünyada niyə belə yüksək qiymətləndirildiyini başa düşmək çətin deyil.
Biz onun ailəsinə və dostlarına, daha yaxşı dünyadan bəhrələnən bütün insanlarala birgə dərin hüznlə başsağlığı veririk”, - deyə Bayden bildirib. -0-
Siyasət
-
Bakı Ağır Cinayətlər Məhkəməsində Elşən Nəcəfovun işi üzrə proses keçirilir. 2023-cü ilin sentyabrında Dövlət Təhlükəsizliyi Xidməti tərəfindən saxlanılan Nəcəfov terror aktının hazırlanmasında ittiham olunur.
-
Bazar ertəsi Bayden administrasiyası Ukraynaya 1,7 milyard dollar dəyərində yeni hərbi yardım təqdim etdiyini açıqlayıb. Hərbi yardım paketinə raketlər, döyüş sursatları, tank əleyhinə silahlar və digərləri daxildir, Turan-ın Vaşinqton müxbiri bildirib.
-
Bazar ertəsi Bayden administrasiyası Venesuela seçki orqanını ölkənin avtoritar lideri Nikolas Maduronun seçkilərdə qalib gəlməsi barədə ətraflı məlumat dərc etməyə çağırıb.
-
Bazar ertəsi ABŞ təsdiqləyib ki, Ermənistan və Azərbaycan arasında sülh prosesinə "dərindən cəlb olunub".
Rəy yaz