U.S. President Joe Biden
Vaşinqton/13.04.22/Turan: ABŞ prezidenti Co Bayden çərşənbə axşamı Ukraynadakı vəhşilikləri "soyqırım" adlandırıb, bu barədə Turan-ın Vaşinqtondakı müxbiri xəbər verib.
Bayden Ayova ştatında çıxış edərkən ilk dəfə bu termindən istifadə edib.
Bayden jurnalistlərə belə deyib: "Bəli, mən bunu soyqırım adlandırdım. Putinin sadəcə olaraq ukraynalı hesab olunan hər kəsi yer üzündən silməyə çalışdığı getdikcə daha çox aydın olur. Rusların Ukraynada törətdiyi dəhşətli hadisələrin getdikcə daha çox dəlilləri üzə çıxır", deyə o əlavə edib.
Bu bəyanat çərşənbə axşamı, ukraynalıların Rusiyanı Mariupol şəhərində kimyəvi silah tətbiqində ittiham etdikdən sonra səslənib.
Öz növbəsində, baş katib Entoni Blinken bildirib ki, Rusiya qüvvələrinin Mariupolu ələ keçirmək üçün iğtişaşların yatırılmasında müxtəlif vasitələrdən, o cümlədən zəhərli maddələrlə qarışıq gözyaşardıcı qazdan istifadə edə biləcəyi barədə məlumat var idi. Bu, "ciddi narahatlıq" doğurur. -0-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz