Bayden və Zelenski Zaporojye Atom Elektrik Stansiyası ətrafında vəziyyəti və Rusiyanın hərbi cinayətlərini müzakirə ediblər

Vaşinqton/26.08.22/Turan: Cümə axşamı ABŞ prezidenti Co Bayden və Ukrayna prezidenti Vladimir Zelenski Rusiyanın Zaporojye Atom Elektrik Stansiyasından çıxmaqdan imtina etməsini müzakirə ediblər.

Hər iki lider Atom Elektrik Stansiyasına nəzarətin bərpa olunmasının  və Beynəlxalq Atom Enerjisi Agentliyinin ona çıxış əldə etməsinin vacibliyini olduğunu qeyd edib.

“Mülki şəxslərin qanunsuz deportasiyası əhalinin müdafiəsi haqqında Cenevrə Konvensiyasının kobud şəkildə pozulmasıdır və hərbi cinayətdir. Biz yenidən Rusiyanı məcburi deportasiyaya dərhal son qoymağa və kənar müstəqil müşahidəçilərin Rusiyanın nəzarətində olan ərazilərdəki məcburi köçürülmə yerlərinə çıxışına şərait yaratmağa çağırırıq”, - Dövlət Departamentinin məlumatında deyilir.

Yale Humanitar Tədqiqatlar Laboratoriyasının hesabatında bildirilir ki, təkcə Donetsk vilayətində 21 filtrasiya mərkəzi yaradılıb.

Conflict Observatory hesabatında Ukraynanın Luqansk vilayətində ruslar tərəfindən belə mərkəzlərin yaradılması faktları ətraflı təsvir edilib.

Smithsonian Cultural Rescue Initiative hesabatında  2022-ci ilin fevralından iyuna qədər bütün Ukrayna boyunca  mədəni irs obyektlərinə, o cümlədən arxeoloji abidələr, muzeylər və dini obyektlərə dəyən zərərlə bağlı 450-dən çox fakt göstərilir.

“Prezident Putin və onun hökuməti cəzasız şəkildə bu sui-istifadələrlə məşğul ola bilməyəcək. ABŞ və bizim tərəfdaşlarımız susmayacaqlar”, - Dövlət Departamentinin bəyanatında deyilir. 0