![Belçika Azərbaycanda minatəmizləmə işlərinə yardım ayırıb](https://turan.az/resized/news/2024/m3abwYFTq1cyDMuWaOtSe5YiCIifmi1nL30XXwGS-750-500-resize.webp)
Belçika Azərbaycanda minatəmizləmə işlərinə yardım ayırıb
Belçika Azərbaycanda minatəmizləmə işlərinə yardım ayırıb
Belçika Azərbaycana azad edilmiş ərazilərdə minatəmizləmə fəaliyyətlərini dəstəkləmək üçün 250 min avro ayırıb. Bu barədə Azərbaycan Xarici İşlər Nazirliyinin (XİN) İdarə rəisi Qaya Məmmədov X hesabında yazıb.
"Minalar keçmiş məcburi köçkünlərin azad edilmiş ərazilərə təhlükəsiz qayıtmasına əsas maneədir. Bu yardım insan həmrəyliyinin rəmzi və ikitərəfli münasibətlərimizdə müsbət addımdır”, deyə o qeyd edib.
İyulun 4-5-də Azərbaycan Respublikası Minatəmizləmə Agentliyi (ANAMA) İdarə Heyətinin sədri Vüqar Süleymanovun rəhbərlik etdiyi nümayəndə heyəti Belçika Krallığında işgüzar səfərdədir.
Səfər çərçivəsində Azərbaycanda mövcud mina probleminin miqyasının beynəlxalq ictimaiyyətin diqqətinə çatdırılması, minaların ətraf mühitə ciddi təhlükə yaratması, azad edilmiş ərazilərdə həyata keçirilən humanitar minatəmizləmə fəaliyyəti barədə məlumat verilməsi, eləcə də bu sahədə beynəlxalq əməkdaşlığın və dəstəyin genişləndirilməsi məqsədilə bir sıra tədbir və görüşlərdə iştirak nəzərdə tutulub.
Sonuncu məlumatlara görə, 2020-ci ilin noyabrından etibarən azad olunmuş ərazilərdə mina partlaması nəticəsində 363 nəfər xəsarət alıb, onların 69-u ölüb.
Ekspertlərin fikrincə, Azərbaycanın azad edilmiş ərazilərində yüz minlərlə partlamamış mina var.
Siyasət
-
Bu gün Qazaxıstanın Mangistau vilayətində "Bırlestık-2024" regional beynəlxalq təlim başlayır. Təlim-döyüş tapşırıqlarının yerinə yetirilməsində Azərbaycan, Qazaxıstan, Qırğızıstan, Tacikistan və Özbəkistanın hərbi kontingentləri iştirak edəcəklər.
-
Avropa İttifaqının xarici siyasət idarəsinin rəhbəri Josep Borrell Macarıstanın baş naziri Viktor Orbanın Türk Dövlətləri Təşkilatının (OTS) sammitində ittifaqı təmsil etmək mandatı almadığını bildirib. İyulun 5-də Viktor Orban sammitdə iştirak etmək üçün Şuşa şəhərinə gəlib.
-
Şuşada Türk Dövlətləri Təşkilatına üzv ölkələrin liderlərinin Şuşada keçirilən qeyri-rəsmi sammiti Qarabağ bəyannaməsinin imzalanması ilə başa çatıb.
-
Qazaxıstan Prezidenti Kassym-Jomart Tokayev Şuşada, Türkdilli Dövlətlərin Əməkdaşlıq Şurasının qeyri-formal zirvə toplantısında, "Nəqliyyat, kommunikasiya və iqlim fəaliyyəti vasitəsilə dayanıqlı gələcək qurmaq" mövzusunun üzv ölkələrin ümumi maraqlarına xidmət etdiyini vurğuladı. Tokayev, bu görüşün Türkdilli xalqların rifahını artırmaq, yeni inkişaf sahələri kəşf etmək, qardaşlıq əlaqələrini gücləndirmək və regional sabitliyi təmin etmək məqsədi daşıdığını bildirdi.
Rəy yaz