Belçika XİN rəhbəri: Qarabağda münaqişə bütün tərəflərin fikri nəzərə alınmaqla həll edilməlidir

Azərbaycanın xarici işlər naziri Elmar Məmmədyarov aprelin 30-da Parisdə ATӘT-in Minsk Qrupunun həmsədrləri ilə görüşəcək. O, bu barədə aprelin 28-də Belçikanın xarici işlər naziri, Avropa Şurası Nazirlər Komitəsinin sədri Didier Reynderslə görüşdən sonra keçirilən mətbuat konfransında bildirib.

“Vaxt yetişib, münaqişəınin nizamlanmasında irəliləyiş olmalıdır”, deyə Məmmədyarov qeyd edib.

“Əvvəl deyirdilər aprel var. İnid aprel ayı da başa çatdı. Biz danışmışdıq ki, aprel ayı başa çatsın, sonra oturaq münaqişənin nizamlanmasında irəliləyişə nail olmaq barədə fikirləşək. Rusiya xarici işlər naziri Sergey Lavrov da, Fransa da, Amerika da münaqişənin həllini yerindən tərpətmək üçün çalışacaqlarını bildirib. Belçika xarici işlər naziri də münaqişədə irəliləyişin olmasında kömək edəcəyini bildirib”, deyə Məmmədyarov qeyd edib.

Didier Reyns öz növbəsində bildirib ki, münaqişə sülh yolu ilə, Minsk Qrupu çərçivəsində və bütün tərəflərin razılığı ilə həll edilməlidir. “Öz müqəddəratını təyin etmə nə vaxtsa gələcəkdə, amma bütün tərəflərin razılığı ilə və fikri nəzərə alınmaqla ola bilər”, deyə Reynders qeyd edib.

“Təmas xəttindəki vəziyyət bizi narahat edir və atəşkəs rejiminin qorunub saxlanması üçün səy göstərilməlidir. Bu mənada Belçika əlindən gələni etməyə və tərəflərə dəstək göstərməyə hazırdır”, deyə o əlavə edib.

Qeyd edək ki, həmsədrlər aprelin 29-da Parisdə Ermənistanın xarici işlər naziri Edvard Nalbandyanla da görüşəcəklər. -03C04-