Bələdiyyələrə real səlahiyyətlər verilməlidir

Ölkə bələdiyyələri real özünüidarə statusu olmadığı üçün müstəqil şəkildə inkişaf etmək iqtidarında deyil. Bu fikri parlamentin deputatları Milli Məclisdə ədliyyə nazirinin müavini Vilayət Zahirovun təqdim etdiyi bələdiyyələrin fəaliyyətinə inzibati nəzarət haqqında illik məruzə ilə bağlı belə fikir bildiriblər.

Onun sözlərinə görə, ölkədə 1718 yerli özünüidarə orqanı fəaliyyət göstərir. Ötən il ədliyyə orqanlarına bələdiyyələr tərəfindən tərtib edilmiş 52 min 370 akt, onların 1532-si qanunsuz hesab olunub.

28 bələdiyyənin fəaliyyətində qanunvericiliyin ciddi şəkildə pozulması aşkar edilib və işlərin Baş Prokurorluğa təqdim edilməsi üçün əsas var.

Ötən il Ədliyyə Nazirliyi 8 min 970,47 ha torpaq sahəsinin qanunsuz verilməsi faktlarını aşkar edib və onların bələdiyyələrə qaytarılmasını təmin edib. Bu sahədə korrupsiya faktları üzrə prokurorluğa 8 bəyanat daxil olub.

Ümumilikdə isə keçən il Ədliyyə Nazirliyinə bələdiyyələrin fəaliyyəti ilə bağlı 587 şikayət daxil olub.

Müzakirələr zamanı deputatlar müdafiə naziri müavininin yan keçdiyi bir çox problemlərə toxunublar. Belə ki, icra hakimiyyətinin icazəsi ilə satılan torpaqlar bələdiyyələrə məxsus deyil. Əhali məskunlaşdıqları torpaqlardan çıxarıldığı zamanı maraqlar toqquşduqda məlum olur ki, bu, dövlət şirkətinin, Nəqliyyat Nazirliyinin, Sərhəd Xidmətinin və digər qurumların ərazisidir.

Bir çox bələdiyyələrin hətta inzibati xəritəsi belə yoxdur, onların öz ərazilərinin sərhədləri haqqında dəqiq təsəvvürü yoxdur.

Bələdiyyələrin ehtiyacı üçün bu il dövlət büdcəsindən 5 mnl. Manat ayrılıb, bir halda ki, təkcə Bakı şəhər icra hakimiyyəti 200 mln. manat alır.

Demək olar ki, bütün bələdiyyələrin (kiçik istisna ilə) dövlət büdcəsinə hətta əmək haqqı fondu üzrə belə borcu var, onların nə fəaliyyət proqramı, nə kadr potensialı var.

Bələdiyyə rəhbərləri onların fəaliyyət sahəsini tənzimləyən təxminən 20 qanun qəbul edildiyini bilmirlər, buna görə çox vaxt qanunsuz torpaq satışı hesabına pul qazanmağa çalışırlar.

Deputatların fikrincə, icra hakimiyyətləri faktiki olaraq regionlarda sahibkardır. Parlamentarilər hesab edirlər ki, bələdiyyələrə səlahiyyətlərin verilməsi məsələsinə ciddi olaraq baxılmalıdır. -17D-