Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
Belə ki, 23 saylı dairə seçki komissiyasında onun vəkilləri olacaq şəxslər üçün anket vərəqələri verilmir.
"Biz dünən anket vərəqələri üçün gəldik, dairə seçki komissiyasının sədri Əlibala Quliyev bizə dedi ki, anketlər qurtarıb, sabah gəlin. Bu gün də gəlmişik, yenə deyir ki, yoxdur. Mərkəzi Seçki Komissiyasına şikayət etdik, oradan Əlibala müəllimə zəng vururlar, zəngləri açmır. İndi isə ümumiyyətlə çıxıb gedib", deyə Əlişova bildirib.
Namizədin sözlərinə görə, anketlər doldurulmalı, sonra isə notariusda təsdiqlənməlidir, yalnız bundan sonra vəkillər öz səlahiyyətlərini icra edə bilərlər.
Turan-ın müxbirinin Əlibala Quliyevlə əlaqə saxlamaq cəhdləri nəticə verməyib.
Azərbaycanda bələdiyyə seçkiləri yanvarın 29-na təyin edilib.
Siyasət
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
-
Bakıda yerli yəhudi icmasına qarşı terror aktı hazırlanmasına görə iki nəfər həbs edilib. Bu barədə İsrail KİV-ləri Azərbaycan Dövlət Təhlükəsizliyi Xidmətinə istinadla məlumat yayıb.
Rəy yaz