Bakı/19.02.20/Turan: Ötən gün MSK deputatlığa namizəd, ictimai fəal Bəxtiyar Hacıyevin 29 saylı Səbayel seçki dairəsində pozuntulara dair şikayətinə baxıb. İlkin məlumatlara görə, bu dairədə bitərəf namizəd Nigar Arpadarai liderdir.
B.Hacıyev öz Facebook səhifəsində N.Arpadarainin xeyrinə səsvermənin saxtalaşdırıldığını sübut edən çoxsaylı videolar yerləşdirib.
“Hakim Yeni Azərbaycan Partiyasının nümayəndəsi Ramiz İbrahimov fevralın 17-də axşam məni dəvət etdi və dedi ki, protokollara Dairə Seçki Komissiyasında mənim iştirakım ilə baxılacaq. Lakin fevralın 18-də bildirdi ki, protokollar araşdırılıb və mənim iştirakıma ehtiyac olmayıb”, - B.Hacıyev Facebook-da yazıb.
Öz növbəsində MSK üzvü R.İbrahimov fevralın 18-də keçirilən iclasda bildirib ki, 25 seçki məntəqəsində protokollar üzrə araşdırma aparılıb. Yalnız 9 məntəqədə sənədlər protokolların orijinalı olub. R.İbrahimov hesab edir ki, 1, 5, 9, 11, 17 və 25 saylı məntəqələrdə nəticələrin ləğvi üçün əsas var.
B.Hacıyev bununla razılaşmayıb və əlavə sübutlar təqdim edib.
18 fevralın iclasının nəticələri ilə bağlı MSK-nın rəsmi məlumatda bildirilir ki, 29 saylı Səbayel seçki dairəsində 1, 5, 9, 11, 17 və 25 saylı məntəqələrdə seçkinin nəticələri etibarsız sayılıb.–06D--
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz