Bəxtiyar Hacıyevin işi üzrə prosesdə

Oktyabrın 18-də ictimai fəal Bəxtiyar Hacıyevin işi üzrə növbəti məhkəmə iclası keçirilib və sənədlər araşdırılıb.

Müttəhim işin "siyasi sifariş" olduğunu yenidən təkrarlayıb və  işdə "maliyyə cinayətləri" və "pulların yuyulması" kimi təqdim olunan bəzi detallara aydınlıq gətirib.

Tələbələrin xaricə göndərilməsi üçün hesaba köçürülən vəsait NBC Bankda olub. Sonradan Azərbaycanda bu bank bağlanıb və Əmanətlərin Sığortalanması Agentliyi bu vəsaiti Beynəlxalq Banka köçürüb. Beynəlxalq Bankda  mənimsəmələr olduğundan,  əmanətçilərin etimadından istifadə etməyib, Hacıyev bütün vəsaiti Respublika Bankına köçürüb.

Bundan əlavə, istintaq Avropa İnsan Hüquqları Məhkəməsinin qərarı ilə Hacıyevin Azərbaycan hökumətindən aldığı şəxsi vəsaiti bloklayıb.

“Bu vəsaitlər qanunidir və  pulların yuyulmasından və ya oğurlanmasından söhbət gedə bilməz, - Hacıyev deyib. O,  iclasların həftənin bütün iş günlərində keçirilməsi üçün prosesin sürətləndirilməsi barədə vəsatət qaldırıb.

Hakim vəsatətə baxılacağını vəd edib və növbəti icları oktyabrın 25-nə təyin edib.

* Bəxtiyar Hacıyev 2022-ci ilin dekabrında xuliqanlıq və məhkəməyə hörmətsizlik ittihamı ilə həbs edilib.

Ötən il iyunun 16-da fəala qarşı maliyyə pozuntuları - qrantların mənimsənilməsilə bağlı yeni ittihamlar irəli sürülüb. O həmçinin qanunsuz sahibkarlıq, pulların yuyulması, qaçaqmalçılıq və saxta sənədlərdən istifadə etməkdə ittiham olunub.

Həmin ilin noyabrında ona qarşı daha bir ittiham irəli sürülüb - vergilərin ödənilməməsi.

Hacıyev və onun həmkarları prosesi siyasi sifariş hesab edirlər ki, bunun da səbəbi Bəxtiyar Hacıyevin Azərbaycan Daxili İşlər Nazirliyinin, əsasən də nazir Vilayət Eyvazovun fəaliyyətini kəskin tənqid etməsidir.