Bakı/17.07.17/Turan: Qarabağ münaqişəsində İtkin Düşmüş Şəxslərin Axtarılrması, Əsir və Girovların Azad Olunması üzrə Beynəlxalq İşçi Qrupun həmsədrləri Svetlana Qannuşkina, Paata Zakareişvili, Bernhard Klazen 17-18 iyul tarixlərində sülhyaratma fəaliyyətlərini davam etdirmək üçün Dağlıq Qarabağda əlaqələrin bərpa olunması məqsədilə Xankəndi şəhərinə səfər ediblər. Bu barədə İtkin Düşmüş Şəxslərin Axtarılrması, Əsir və Girovların Azad Olunması üzrə Beynəlxalq İşçi Qrupun üzvü Əvəz Həsənov Turan-a bildirib.
Beynəlxalq İşçi Qrup 2017-ci ilin yanvar ayında Bakıda səfərdə olub, Azərbaycanın rəsmiləri, vətəndaş cəmiyyətinin nümayəndələri ilə görüşüb.
İyulun 15-də Ermənistanın İtkin Düşmüş Şəxslər, Əsir və Girovlarla iş üzrə Dövlət Komissiyası Beynəlxalq İşçi Qrupun nümayəndəsini qəbul edib.
Həsənovun sözlərinə görə, həmsədrlərin Dağlıq Qarabağa səfərdən sonra Azərbaycana səfəri gözlənilir.
Xatırladaq ki, Beynəlxalq İşçi Qrupunun nümayəndələri sülhyaratrma fəaliyyətinə 90-cı illərin əvvəllərində başlamışdılar. -03B-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz