Bəzi seçki məntəqələrində jurnalistlərə işləməyə imkan vermirlər
Bakıda bəzi seçki məntəqələrində jurnalistlərin fəaliyyətinə çətinlik yaradıldığı bildirilir.
Belə ki, 18 saylı Nərimanov-Nizami-Binəqədi seçki dairəsinin 19-cu məntəqəsində jurnalistlərlərə media reyestrində qeydiyyatlarının olmadığını əsas gətirərək çəkilişə imkan verilməyib.
29 saylı Sabunçu IV seçki dairəsinin 19 saylı seçki məntəqəsində də jurnalistlərin fəaliyyətinə maneçilik yaradılıb.
Yasamal rayonunun üçüncü seçki dairəsində Turan-ın müxbirinə 8, 13, 12 və 29-cu məntəqələrə işləməyə mane olublar.
Öz növbəsində Mərkəzi Seçki Komissiyasından Turan-a bildirilib ki, jurnalistlərə seçki gedişatını izləmək üçün media reyestrində qeydiyyat tələb edilmir: "Mərkəzi Seçki Komissiyası dəfələrlə bəyan edib ki, media seçkilərdə azad və sərbəst fəaliyyət göstərir. Jurnalistlər öz press vəsiqəsini təqdim edərək sərbəst şəkildə fəaliyyət göstərə bilərlər. Bəzən jurnalistlər vəsiqəni təqdim etmirlər və onların kim olduğunu bilmirlər deyə anlaşılmazlıq yaranır".
Mərkəzi Seçki Komissiyasında vurğulayıblar ki, qeyd olunan hallar araşdırılacaq.
Siyasət
-
Azərbaycan Respublikasının Prezidenti İlham Əliyev noyabrın 17-də ABŞ Nümayəndələr Palatasının üzvü Avqust Pflügerin başçılıq etdiyi nümayəndə heyəti ilə görüşüb. Görüşdə COP29-un gündəmində olan məsələlər müzakirə edilib.
-
Bazar günü ölkə başçısı İlham Əliyev ABŞ Konqresinin üzvü Avqust Pflugerin başçılıq etdiyi nümayəndə heyətini qəbul edib.
-
İsrail prezidenti İsaak Hersoqun Bakıda keçirilən COP29 iqlim konfransına planlaşdırılan səfəri Türkiyə prezidentin təyyarəsinin uçuşuna icazə vermədiyi üçün ləğv edilib, - deyə bazar günü, noyabrın 17-də Azərbaycan və İsraildəki mənbələr bildiriblər.
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
Rəy yaz